ചുരുങ്ങിയ കാലം കൊണ്ടു തന്നെ മലയാളത്തിലെ മുൻനിര നായകന്മാരുടെ കൂടെ വിവിധ വേഷങ്ങൾ ചെയ്ത് മലയാളികൾക്ക് ഏറെ പ്രിയപ്പെട്ടവളായി മാറിയ താരമാണ് അനുശ്രീ. തിരക്കേറിയ ജീവിതത്തിനിടയിലും തന്റെ വിശേഷങ്ങളും ചിത്രങ്ങളും താരം ആരാധകർക്കായി പങ്കുവയ്ക്കാറുണ്ട്. കഴിഞ്ഞ ദിവസം അനുശ്രീ തന്നെ ഫോട്ടോഷൂട്ട് ചിത്രങ്ങൾ പങ്കുവെച്ചിരുന്നു. ഇത്തവണ ഷർട്ടും മുണ്ടും അണിഞ്ഞ ഫോട്ടോഷൂട്ട് ചിത്രങ്ങളും ആയിട്ടാണ് താരം എത്തുന്നത്.
ചേട്ടന്റെ അലക്കി തേച്ചുവെച്ച മുണ്ട് അടിച്ചുമാറ്റിയതാണെങ്കിലും ഷര്‍ട്ടും ഷൂവും സണ്‍ ഗ്ലാസും തന്റെതാണെന്നും അനുശ്രീ പറയുന്നു. വീടിനടുത്തുളള അമ്പലപ്പറമ്പില്‍ വെച്ചാണ് പുതിയ ഫോട്ടോഷൂട്ട് ചിത്രങ്ങൾ. ലോക് ഡൗൺ കാലമായതിനാൽ വീട്ടുമുറ്റത്ത് വെച്ച് നടത്തിയ ഫോട്ടോഷൂട്ട് ചിത്രങ്ങൾ അനുസരി കഴിഞ്ഞദിവസം സോഷ്യൽ മീഡിയയിലൂടെ പങ്കുവെച്ചിരുന്നു.
സിനിമാരംഗത്ത് നാടൻ വേഷങ്ങൾ ചെയ്യുന്ന അനുശ്രീക്ക് മോഡേൺ വസ്ത്രധാരണം ചേരില്ല എന്നായിരുന്നു ചിലരുടെ അഭിപ്രായം. മോഡേൺ വസ്ത്രങ്ങളണിഞ്ഞ് എത്തിയ അനുശ്രീയുടെ വസ്ത്രധാരണമാണ് ചിലരെയൊക്കെ ചൊടിപ്പിച്ചത്. ഇതിനിടെ അനുശ്രീയുടെ വസ്ത്രം വളരെ ബോർ ആണെന്ന് ഒരു യുവതി കമന്റ് ചെയ്തിരുന്നു. ഇതിനു മറുപടിയായി എന്നും ട്രഡീഷണൽ ഡ്രസ്സുകൾ മാത്രം ഇട്ടാൽ പോരല്ലോ എന്നാണ് അനുശ്രീ പറയുന്നത്.
