ടോവിനോ തോമസ് പോലീസ് വേഷത്തിൽ എത്തുന്ന മാസ്സ് എന്റർടൈനറാണ് കൽക്കി.
നവാഗതനായ പ്രവീണ്‍ പ്രഭറാമാണ് ചിത്രം സംവിധാനം ചെയ്യുന്നത്. സുജിന്‍ സുജാതനും സംവിധായകന്‍ പ്രവീണും ചേര്‍ന്നാണ് ചിത്രത്തിന് തിരക്കഥയൊരുക്കിയിരിക്കുന്നത്. ലിറ്റില്‍ ബിഗ് ഫിലിംസിന്റെ ബാനറില്‍ പ്രശോഭ് കൃഷ്ണയ്ക്കൊപ്പം സുവിന്‍ കെ വര്‍ക്കിയും ചേര്‍ന്നാണ് നിർമിക്കുന്നത്.
ചിത്രം റിലീസിന് മുൻപേ തന്നെ വാർത്താപ്രാധാന്യം നേടിയിരിക്കുകയാണ് ഇപ്പോൾ.ചിത്രം ഇന്നലെ റിലീസ് ആയി എന്ന തരത്തിൽ ഒരു ഓൺലൈൻ മീഡിയയിൽ വന്ന വാർത്തയാണ് കൽക്കിക്ക് പെട്ടെന്ന് വാർത്താപ്രാധാന്യം നേടി കൊടുത്തത്. ടോവിനോ ചിത്രം കൽക്കി പ്രദർശനത്തിനെത്തി എന്ന തലക്കെട്ടോടുകൂടി കൊടുത്ത വാർത്ത പെട്ടെന്ന് തന്നെ വൈറൽ ആവുകയായിരുന്നു. ചിത്രത്തിലെ താരങ്ങളും ഈ വ്യാജ വാർത്തയോട് പ്രതികരിക്കാൻ രംഗത്ത് എത്തി. “പടത്തിനെ കുറിച്ചുള്ള ആകാംഷ ഉണ്ടെന്ന് മനസ്സിലാകാം.. എന്നാലും ഡബ്ബിങ് പോലും തീരാത്ത ഞങ്ങടെ കൽക്കിയെ നിങ്ങളങ്ങിറക്കിക്കളഞ്ഞല്ലോ.. what coconut is this? ” എന്നാണ് ചിത്രത്തിലെ നായിക സംയുക്ത മേനോൻ ഇൻസ്റ്റാഗ്രാമിൽ പോസ്റ്റ് ചെയ്തത്. യഥാർത്ഥത്തിൽ ഇന്നലെ റിലീസ് ആയത് ടോവിനോ നായകനായ ലൂക്കാ എന്ന ചിത്രമായിരുന്നു .ഈ ചിത്രം മികച്ച പ്രതികരണം നേടി പ്രദർശനം തുടരുകയാണ്.കൽക്കി ഓഗസ്റ്റ് എട്ടിനാണ് തിയറ്ററുകളിൽ എത്തുന്നത്
