സോഷ്യല്‍ മീഡിയയില്‍ ചര്‍ച്ചയായി എ ആര്‍ റഹ്മാന്റെ മാസ്‌ക്. കോവിഡ് വാക്‌സിന്‍ എടുത്തതിനു ശേഷം മകന്‍ അമീനൊപ്പം എ.ആര്‍.റഹ്മാന്‍ പങ്കുവച്ച സെല്‍ഫിയില്‍ ഇരുവരും ധരിച്ച മാസ്‌കാണ് ആരാധകരുടെ ശ്രദ്ധ പിടിച്ചു പറ്റിയത്. ഇരുവരുടേയും മാസ്‌കിന്റെ യഥാര്‍ഥ വില കേട്ട് അമ്പരന്നിരിക്കുകയാണ് ആരാധകര്‍ ഇപ്പോള്‍.
വെളുത്ത നിറമുള്ള മാസ്‌കാണ് ഇവരുടേത്. വായു മലിനീകരണത്തില്‍ നിന്നടക്കം സംരക്ഷണം നല്‍കുന്ന ഡ്യുവല്‍ എച്ച് 13 ഗ്രേഡ് എച്ച്ഇപിഎ ഫില്‍ട്ടറാണ് ഈ മാസ്‌കിനുള്ളത്. 99.7 ശതമാനം വരെ വായുശുദ്ധീകരിക്കാന്‍ ഈ മാസ്‌കിലൂടെ സാധിക്കും. കൂടാതെ ഓട്ടോ സാനിറ്റൈസിങ് യുവി സ്റ്റെറിലൈസിങ് സംവിധാനവുമുണ്ട്. ഉപയോഗിച്ചു കൊണ്ടിരിക്കെ തന്നെ യാന്ത്രികമായി മാസ്‌ക് ശുചീകരിക്കുന്ന സംവിധാനമാണിത്. 820 എംഎഎച്ച് ബാറ്ററിയാണ് പ്യൂരിക്കെയര്‍ വെയറബിള്‍ എയര്‍ പ്യൂരിഫയറില്‍ ഘടിപ്പിച്ചിരിക്കുന്നത്. രണ്ട് മണിക്കൂര്‍ ചാര്‍ജ് ചെയ്താല്‍ പരമാവധി 8 മണിക്കൂര്‍ വരെ മാസ്‌ക് ഉപയോഗിക്കാം.
മാസ്‌കിനു 18,148 രൂപയാണ് വില. നേരത്തെ നടി ദീപിക പദുക്കോണിന്റെ മാസ്‌കും ചര്‍ച്ചയായിരുന്നു. ഇരുപത്തിയയ്യാരത്തിലധികം രൂപയായിരുന്നു ദീപികയുടെ മാസ്‌കിന്.
View this post on Instagram
