ഫഹദ് ഫാസിലടക്കമുള്ള ഒട്ടനവധി താരങ്ങൾ ബഹുമാനപ്പെട്ട രാഷ്ട്രപതിയിൽ നിന്നും നേരിട്ട് ദേശീയ പുരസ്‌കാരം ലഭിക്കാത്തത് കൊണ്ട് ചടങ്ങ് ബഹിഷ്‌ക്കരിച്ച് തിരികെ പോന്നിരുന്നു. അതിനെ അനുകൂലിച്ചും പ്രതികൂലിച്ചും ഒട്ടനവധി പേർ മുന്നോട്ട് വരികയും ചെയ്‌തു. ഇപ്പോഴും അതിന്റെ അലകൾ കെട്ടടങ്ങിയിട്ടില്ല. സംവിധായകനും നിർമാതാവുമായ ആഷിഖ് അബുവിന്റെ ഒരു ഇൻസ്റ്റാഗ്രാമിലെ ഒരു പോസ്റ്റിൽ അതിന്റെ ഒരു മിന്നലൊളി കണ്ടു. പക്ഷേ അതിനുള്ള ആഷിഖ് അബുവിന്റെ മറുപടിയാണ് അതിലും മാസ്സ്. “2017ലെ മികച്ച സിനിമക്കുള്ള പത്മരാജൻ പുരസ്‌കാരം ശ്യാം പുഷ്ക്കരൻ, ദിലീഷ് നായർ എന്നിവർ തിരക്കഥയെഴുതി ആഷിഖ് അബു സംവിധാനം ചെയ്ത മായാനദിക്ക്” എന്ന ക്യാപ്ഷനുമായി ആഷിഖ് അബു ഒരു ഫോട്ടോ പോസ്റ്റ് ചെയ്‌തിരുന്നു. അതിന് താഴെയാണ് ഒരാൾ ‘ഈ അവാർഡും പ്രസിഡന്റ് തരണമായിരിക്കും’ എന്ന് കമന്റ് ചെയ്‌തത്‌. ഉരുളക്കുപ്പേരി മറുപടിയാണ് ആഷിഖ് അബു നൽകിയത്. “വേണമെന്നില്ല നായരേ, ശോഭേച്ചി മതി” എന്നായിരുന്നു മറുപടി. ടിവി ചാനലിലെ ഒറ്റ ചർച്ച കൊണ്ട് ട്രോളന്മാർ മനസ്സറിഞ്ഞ് ‘സ്‌നേഹിക്കുന്ന’ ശോഭേച്ചിയെ കൂടി ട്രോള്ളിയിരിക്കുകയാണ് ആഷിഖ് അബു. മറുപടിയെ അഭിനന്ദിച്ച് ധാരാളം പേർ ആ കമന്റിൽ റിപ്ലൈ ഇട്ടിട്ടുണ്ട്.
