മകൾ ആരാധ്യ ജീവിതത്തിലേക്ക് കടന്നു വന്നതിനു ശേഷം അഭിനയ ജീവിതത്തിൽ ഉണ്ടായ മാറ്റങ്ങളെ പറ്റി തുറന്നു പറയുകയാണ് അഭിഷേക് ബച്ചൻ. മകളുടെ വരവോടെ നായികമാരുമായി ഉള്ള ഇന്റിമേറ്റ് സീനുകളെല്ലാം താരം ഒഴിവാക്കി. നായികമാരുമായി അടുത്തിടപഴകുന്ന ഹോട്ട് സീനുകളില്‍ അഭിനയിക്കുന്നത് നിര്‍ത്തിയതോടെ പല സിനിമകളും തനിക്ക് നഷ്ടമായെന്നാണ് അഭിഷേക് ബച്ചന്‍ വ്യക്തമാക്കുന്നത്.
അഭിഷേക് ബച്ചന്റെ വാക്കുകൾ:
ആരാധ്യയ്ക്ക് ഇപ്പോള്‍ എട്ടു വയസായി. തന്റെ മകള്‍ അസ്വസ്ഥത തോന്നുന്ന അല്ലെങ്കില്‍ ഇതൊക്കെ എന്താണ് എന്ന് അവള്‍ക്ക് ചോദിക്കേണ്ടി വരുന്ന സിനിമകളില്‍ അഭിനയിക്കില്ലെന്ന് തീരുമാനിച്ചു. റൊമാന്റിക് സീനുകളില്‍ അഭിനയിക്കാന്‍ കഴിയില്ലെന്ന് സിനിമയ്ക്ക് സൈന്‍ ചെയ്യുന്നതിന് മുമ്പ് പറയും. അത്തരത്തിലുള്ള രംഗങ്ങള്‍ സംവിധായകര്‍ ഒഴിവാക്കാറുണ്ട്. റൊമാന്റിക് സീനുകള്‍ ചിത്രത്തില്‍ ഉള്‍പ്പെടുത്തേണ്ടത് അത്യാവശ്യമാണെങ്കില്‍ അതില്‍ നിന്നും പിന്‍മാറാറുണ്ട്. കുറേ ചിത്രങ്ങള്‍ നഷ്ടമായിട്ടുണ്ട്. എന്നാല്‍ ദുഖമില്ല.
2007 ലായിരുന്നു അഭിഷേക് ബച്ചനും ഐശ്വര്യാ റായും വിവാഹം കഴിക്കുന്നത്. 2011ലാണ് ഇരുവർക്കും ആരാധ്യ എന്ന കുഞ്ഞു ജനിക്കുന്നത്.
