നികുതി വെട്ടിച്ചുവെന്ന ആരോപണത്തിന്മേൽ തമിഴ് സൂപ്പർതാരം വിജയ്‌യെ ആദായനികുതി വകുപ്പ് കസ്റ്റഡിയിൽ എടുത്തതും ചോദ്യം ചെയ്‌തതും വലിയ വാർത്തകൾ തീർത്തിരുന്നു. ബോക്സോഫീസിൽ 300 കോടി നേടിയെന്ന് പറയുന്ന ബിഗിൽ എന്ന ചിത്രത്തെ സംബന്ധിച്ചാണ് ചിത്രത്തിന്റെ നിർമാതാവായ AGS എന്റർപ്രൈസ്, നായകൻ വിജയ്, വിതരണക്കാരൻ, പണം ഏർപ്പാട് ചെയ്‌ത അൻപ് ചെഴിയാൻ എന്നിവരുടെ വീടുകളിലും ഓഫീസുകളിലുമായി റെയ്‌ഡ്‌ നടത്തിയത്. കണക്കിൽ പെടാത്ത ഒന്നും തന്നെ വിജയ്‌യുടെ പക്കൽ നിന്നും കണ്ടെടുക്കാനായില്ല എന്നത് ആരാധകരെ സംബന്ധിച്ചിടത്തോളം വളരെ ആശ്വാസവും സന്തോഷവും പകർന്നിരിക്കുകയാണ്.
ലോകേഷ് കനകരാജ് ഒരുക്കുന്ന മാസ്റ്ററിന്റെ ചിത്രീകരണത്തിൽ വിജയ് ഇന്ന് വീണ്ടും ചേരുമെന്നാണ് അറിയുന്നത്. അതെ പോലെ തന്നെ ആരാധകർ എല്ലാം മാസ്റ്ററിന്റെ ഓഡിയോ ലോഞ്ചിനും ആ വേദിയിൽ വിജയ് നടത്തുവാൻ പോകുന്ന പ്രസംഗത്തിനുമായി കാത്തിരിക്കുകയാണ്. ആ ഒരു പ്രസംഗത്തിനായി താനും കാത്തിരിക്കുവാണെന്ന് വെളിപ്പെടുത്തിയിരിക്കുകയാണ് നടൻ അജു വർഗീസ്. തന്റെ ഫേസ്ബുക്ക് പേജിലാണ് താരം ആ കാത്തിരിപ്പിനെ കുറിച്ച് വ്യക്തമാക്കിയത്.
