കൊല്ലം കൊട്ടാരക്കര പടിഞ്ഞാറ്റിന്കര മഹാദേവ ക്ഷേത്രത്തിലെ ഉത്സവ പരിപാടിയില് മാസ് ലുക്കിലെത്തി നടന് ദിലീപ്. ക്ഷേത്രത്തിലെ ഉത്രട്ടാതി ഉത്സവത്തിനാണ് ദിലീപ് അതിഥിയായി എത്തിയത്. ഉത്സവപരിപാടിയില്വച്ച് നടന് ഇന്നസന്റിനെ അനുകരിച്ച് നടന് കാണികളുടെ കയ്യടി വാങ്ങി. ചടങ്ങിനെത്തിയ നടന്റെ ചിത്രങ്ങള് വൈറലായി.
ദിലീപ് നായകനാകുന്ന ബാന്ദ്ര സിനിമയുടെ നിര്മാതാവ് വിനായക അജിത് കുമാറായിരുന്നു ഉത്സവത്തിന്റെ ഉപദേശകസമിതി പ്രസിഡന്റ്. പാവപ്പെട്ടവര്ക്കായുള്ള ചികിത്സാധനസഹായവും പഠനോപകരണങ്ങളും ദിലീപ് വിതരണം ചെയ്തു. ഉപദേശകസമിതി സെക്രട്ടറി ചെങ്ങറ സുരേന്ദ്രന്, നഗരസഭാധ്യക്ഷന് എസ്.ആര്.രമേശ്, ഉപാധ്യക്ഷ വനജാ രാജീവ് തുടങ്ങിയവര് സംസാരിച്ചു. ചലച്ചിത്ര പിന്നണിഗായകന് നജിം അര്ഷാദിന്റെ ഗാനമേളയും അരങ്ങേറി.
‘രാമലീല എന്ന സൂപ്പര് ഹിറ്റ് ചിത്രത്തിനു ശേഷം അരുണ് ഗോപിയും ദിലീപും വീണ്ടും ഒരുമിക്കുന്ന ചിത്രമാണ് ബാന്ദ്ര. ഉദയകൃഷ്ണയാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. മാസ് ലുക്കിലുള്ള ദിലീപിന്റെ ചിത്രം ഉള്പ്പെട്ട ചിത്രത്തിന്റെ ഫസ്റ്റ് ലുക്ക് വൈറലായിരുന്നു. തെന്നിന്ത്യന് താരം തമന്നയാണ് ചിത്രത്തില് നായിക കഥാപാത്രത്തെ അവതരിപ്പിക്കുന്നത്.