ലക്ഷങ്ങൾ ശമ്പളമായി കിട്ടിയിരുന്ന ജോലി ജോലി ഉപേക്ഷിച്ച് അഭിനയിക്കാൻ എത്തിയ ആളാണ് ഇവൻ; നീലക്കുയിലിലെ ആദിയെ കുറിച്ചുള്ള രഹസ്യങ്ങൾ പങ്കുവെച്ച് ജിഷിൻ

സീരിയൽ പ്രേമികളുടെ ഇഷ്ട ജോഡികൾ ആണ് ജിഷിനും വരദയും. അമല എന്ന സീരിയലിലെ നായിക ആയിരുന്നു വരദ, ജിഷിൻ അതിലെ വില്ലനും, അമലയുടെ സെറ്റിൽ വെച്ചാണ് ഇരുവരും പ്രണയത്തിൽ ആകുന്നത്. സോഷ്യൽ മീഡിയിൽ ഏറെ സജീവമാണ് ജിഷിനും വരദയും. ജീവിത നൗക എന്ന സീരിയലിൽ ആണ് ജിഷിൻ ഇപ്പോൾ അഭിനയിക്കുന്നത്. സീരിയലിൽ ജിഷിനൊപ്പം നീലക്കുയിലിൽ കൂടി ശ്രദ്ധ നേടിയ നിതിനും അഭിനയിക്കുന്നുണ്ട്, ഇരുവരും ഇപ്പോൾ അടുത്ത സുഹൃത്തുക്കൾ ആണ്, നിതിനെ കുറിച്ച് ജിഷിൻ പങ്കുവെച്ച പോസ്റ്റാണ് ഇപ്പോൾ ഏറെ ശ്രദ്ധ നേടുന്നത്. നിതിനൊപ്പമുള്ള ഒരു ചിത്രം പങ്കുവെച്ചു കൊണ്ടാണ് ജിഷിൻ പോസ്റ്റ് പങ്കുവെച്ചിരിക്കുന്നത്.

പോസ്റ്റിന്റെ പൂർണരൂപം

ചിലരങ്ങനെയാണ്.. നമ്മൾ പോലുമറിയാതെ നമ്മുടെ സുഹൃത്തുക്കളായി മാറും. അതുപോലെ തന്നെയാണ് ഈ തെണ്ടിയും. ഈ വാക്കുപയോഗിച്ചതിൽ നിന്നു തന്നെ ഞങ്ങളുടെ സൗഹൃദത്തിന്റെ ആഴം മനസ്സിലാകുമല്ലോ? ജീവിതനൗക സീരിയലിൽ വച്ചാണ് ഈ അലവലാതി എന്റെ സുഹൃത്തുക്കളുടെ പട്ടികയിലേക്ക് വലിഞ്ഞു കയറിയത്. Tripple lockdown സമയത്തായിരുന്നു ഞങ്ങളുടെ ലാസ്റ്റ് schedule. ഷൂട്ട്‌ നടക്കുന്ന വീട്ടിൽ തന്നെ താമസം, ഭക്ഷണം, എഡിറ്റിംഗ്, ഡബ്ബിങ്, എല്ലാം..

അങ്ങനെ പത്തു ദിവസം ഒരേ റൂമിൽ ഞാനും ഇവനും സാജൻ ചേട്ടനും. അത്രേം മതിയായിരുന്നു ഒരാൾക്ക് മറ്റൊരാളെ മനസ്സിലാക്കാൻ. ആദ്യമാദ്യം വലിയ ബഹുമാനമൊക്കെ കാണിച്ചിരുന്നവൻ, കൂട്ടുകാരനായപ്പോൾ തനിനിറം കാണിച്ചു തുടങ്ങി. എടാ പോടാന്നൊക്കെ ആയി. ഇപ്പൊ പിന്നെ അതും ഇല്ല. വായിതോന്നുന്നതാ വിളിക്കുന്നെ. നീലക്കുയിലിലെ ആദി ആയി കുറേ പെൺകുട്ടികളുടെ ഹൃദയം കവർന്ന ഈ ചുള്ളന്റെ വിവാഹം കഴിഞ്ഞതാ കേട്ടോ.. നാലു വയസ്സുള്ള ഒരു കൊച്ചുമുണ്ട്. (അങ്ങനെയിപ്പോ ലവൻ ബാച്ച്ലർ ആണെന്ന് പറഞ്ഞ് സുഖിക്കണ്ട. കാണാൻ ഒരു ലുക്ക്‌ ഇല്ലാന്നേ ഉള്ളു. ഭയങ്കര വിദ്യാഭ്യാസമാ ഇവന്.

മാസം ഒന്നൊന്നര ലക്ഷം ശമ്പളമുണ്ടായിരുന്ന എൻജിനീയറിങ് ജോലി കളഞ്ഞിട്ട് എവനൊക്കെ എന്തിനാണോ എന്തോ നമ്മുടെ കഞ്ഞിയിൽ പാറ്റയിടാൻ അഭിനയിക്കാൻ ഇറങ്ങിത്തിരിച്ചത്. ഇവൻ Nithin Jake Joseph അല്ല. Nithin ‘Fake’ Joseph ആണ് . എന്തൊക്കെ പറഞ്ഞാലും നമ്മുടെ ചങ്ക് ആയിപ്പോയില്ലേ.. സഹിച്ചല്ലേ പറ്റൂ . ഈ ഫോട്ടോ ഇടാൻ നോക്കുമ്പോൾ, എന്നെപ്പറ്റി നാല് വാക്ക് പൊക്കിപ്പറയണം എന്ന് പറഞ്ഞ നിതിനേ.. ഞാൻ ഇതാ എന്റെ കടമ നിർവഹിച്ചിരിക്കുന്നു.