ഗ്ലാമറിന്റെ ഒരു സുന്ദരമായ ലോകമാണ് സിനിമ. നടിമാർ എപ്പോഴും വെളുത്തു തുടുത്തു മെലിഞ്ഞ് സുന്ദരിയായി ഇരിക്കണം എന്നാണ് പ്രേക്ഷകരുടെ ആവശ്യം. അതിൽനിന്ന് അങ്ങോട്ടോ ഇങ്ങോട്ടോ ഒരു മാറ്റം വന്നാൽ പ്രേക്ഷകന് അത് അംഗീകരിക്കാനാവില്ല . ഈ അടുത്ത് ആയിരുന്നു തെന്നിന്ത്യയുടെ പ്രിയ താരം സമീറ റെഡ്ഡി ബോഡി ഷെയ്മിങ് നെ കുറിച്ച് തുറന്ന് എഴുതിയത്.
മലയാളത്തിൽ നിരവധി നടിമാർ ഇതിനെതിരെ തങ്ങളുടെ വിമർശനം പ്രകടിപ്പിച്ചിട്ടുണ്ട്. തടിയുടെയും നിറത്തിന്റെയും പേരിൽ മാറ്റിനിർത്തപ്പെട്ട പലരുടെയും ചരിത്രങ്ങൾ സിനിമ ആരംഭിച്ച ആദ്യകാലം മുതൽക്കേ ഉള്ളതാണ്. അടുത്തിടെ സമീരാറെഡ്‌ഡിയും നിത്യാമേനോനും ഗായിക സയനോര യും ഇതിനെതിരെ തുറന്നുപറച്ചിലുകൾ നടത്തിയിരുന്നു. രൂപത്തെ കുറിച്ച് ആശങ്കപ്പെടേണ്ട എന്നും ആരോഗ്യത്തോടെ ഇരിക്കുന്നത് മാത്രം ചിന്തിച്ചാൽ മതി, ആരോഗ്യമാണ് ഏറ്റവും പ്രധാനമെന്ന് സമീരാറെഡ്‌ഡി സോഷ്യൽ മീഡിയയിൽ കുറിച്ചിരുന്നു. രണ്ടാമത് കുഞ്ഞ് ജനിച്ചപ്പോൾ മുതൽ ആണ് ശരീരത്തിൽ പ്രകടമായ മാറ്റങ്ങൾ ഉണ്ടായത് അമിതവണ്ണവും പ്രത്യക്ഷപ്പെട്ടു തുടങ്ങിയിരുന്നു.ഇതിലൊന്നും ആശങ്കയില്ലെന്നും താരം തുറന്നു പറഞ്ഞിരുന്നു.
അമിതവണ്ണത്തിന്റെ പേരില്‍ ഒരു സ്ത്രീയെ പരിഹസിക്കുന്ന ആരും അവരെന്ത് കൊണ്ട് അങ്ങനെയായി എന്ന് ചിന്തിക്കാറില്ല എന്നും ഒരാളുടെ ശരീരം എങ്ങനെയായാലും അതില്‍ മറ്റുള്ളവര്‍ക്ക് അതിൽ കാര്യമില്ലെന്നും മറ്റുള്ളവര്‍ അളന്ന് വരച്ച് കൊടുക്കേണ്ട ചട്ടക്കൂടിലല്ല ശരീരം അടക്കിയൊതുക്കി വെക്കേണ്ടതെന്നും നിത്യ മേനോൻ പറഞ്ഞിരുന്നു.
