ബന്ധുവിന്റെ വിവാഹത്തില്‍ തിളങ്ങി നടി അമല പോള്‍. മഞ്ഞ സാല്‍വാറില്‍ അതിമനോഹരിയായാണ് താരം പ്രത്യക്ഷപ്പെട്ടത്. സിംപിള്‍ മേക്കപ്പാണ് ഹൈലൈറ്റ്. ബന്ധുവായ റെയ്ച്ചലിന്റെ വിവാഹത്തിനാണ് താരം തിളങ്ങിയത്. കഴിഞ്ഞ ദിവസമായിരുന്നു ചടങ്ങുകള്‍ നടന്നത്. എറണാകുളം മരട് സ്വദേശിയായ സിബിന്‍ സെബാസ്റ്റ്യനാണ് വരന്‍.
‘എന്റെ കുഞ്ഞനുജത്തി വളര്‍ന്നു കഴിഞ്ഞു. അവളുടെ ജീവിതത്തിന്റെ അടുത്തഘട്ടം ഏറെ അഭിമാനത്തോടെയാണ് ഞാന്‍ നോക്കിക്കാണുന്നത്. റെയ്ച്ചലിന്റെ വരന്‍ സിബിന്‍ എന്റെ അടുത്ത സുഹൃത്തായ റിച്ചാര്‍ഡിന്റെ സഹോദരനാണ്. അതെനിക്ക് കൂടുതല്‍ സന്തോഷം നല്‍കുന്നു’, അമല ഇന്‍സ്റ്റഗ്രാമില്‍ കുറിച്ചു.
വിവേക് സംവിധാനം ചെയ്ത ടീച്ചര്‍ ആണ് അമലയുടേതായി ഒചുവില്‍ പുറത്തിറങ്ങിയ ചിത്രം. ദേവിക എന്ന അധ്യാപികയുടെ വേഷത്തിലാണ് താരം എത്തിയത്. ഹക്കീമാണ് മറ്റൊരു പ്രധാന കഥാപാത്രത്തെ അവതരിപ്പിച്ചത്. അമലയുടെ കരിയറിലെ മികച്ച കഥാപാത്രങ്ങളില്‍ ഒന്നാണ് ടീച്ചറിലെ ദേവിക.
