മലയാളത്തിന്റെ പ്രിയതാരമാണ് ഭാവന. ഒരു കാലത്ത് മലയാളത്തില്‍ തിളങ്ങി നിന്നിരുന്ന ഭാവന ഇന്ന് സജീവമല്ല. മലയാളത്തില്‍ പൃഥ്വിരാജിന്റെ ആദം ജോണിലാണ് ഭാവന അവസാനമായി അഭിനയിച്ചത്. ഇതിനിടെ കന്നഡയില്‍ സജീവമാണ് താരം. മലയാളത്തിലേക്ക് ഭാവന ഉടന്‍ തിരിച്ചെത്തുമെന്ന തരത്തില്‍ വാര്‍ത്തകളുണ്ടായിരുന്നു. എന്നാല്‍ ഇത് സംബന്ധിച്ച് സ്ഥിരീകരണമില്ല.
സോഷ്യല്‍ മീഡിയയിലും സജീവ സാന്നിധ്യമാണ് ഭാവന. ഇടയ്ക്ക് ചിത്രങ്ങളും വിശേഷങ്ങളും പങ്കുവച്ച് ഭാവന എത്താറുണ്ട്. ഇപ്പോഴിതാ സ്‌റ്റൈലിഷ് ലുക്കില്‍ ആരാധകരുടെ മനം കവര്‍ന്നിരിക്കുകയാണ് ഭാവന. ‘ബ്ലൂം & ഗ്രോ’ എന്ന അടിക്കുറിപ്പോടെ വെള്ളയും നീലയും നിറത്തിലുള്ള വസ്ത്രം ധരിച്ചുള്ള ചിത്രം ഇന്‍സ്റ്റഗ്രാമിലാണ് ഭാവന പങ്കുവച്ചത്. ജാഗര്‍ ആന്റണി എന്ന ഫാഷന്‍ കമ്പനിയാണ് ഭാവനയുടെ ചിത്രങ്ങള്‍ പകര്‍ത്തിയിരിക്കുന്നത്.
2018-ലായിരുന്നു കന്നഡ സിനിമാ നിര്‍മാതാവ് നവീനുമായുള്ള ഭാവനയുടെ വിവാഹം. നവീനൊപ്പം ബംഗളൂരുവിലാണ് ഭാവനയുടെ താമസം. വിവാഹം കഴിഞ്ഞ് കുറച്ചുനാള്‍ സിനിമയില്‍ നിന്നും വിട്ടുനിന്ന ഭാവന ഒരിടവേളയ്ക്ക് ശേഷം ’96’ എന്ന ചിത്രത്തിന്റെ കന്നട റീമേക്കില്‍ നായികയായാണ് അഭിനയരംഗത്തേക്ക് തിരിച്ചെത്തിയത്. ഏറ്റവും ഒടുവില്‍ ‘ഗോവിന്ദ ഗോവിന്ദ’ എന്ന ചിത്രത്തില്‍ സുമന്ത് ശൈലേന്ദ്രയുടെ നായികയായിയാണ് ഭാവന ബിഗ് സ്‌ക്രീനില്‍ പ്രത്യക്ഷപ്പെട്ടത്.
