മലയാളത്തിന്റെ പ്രിയ താരമാണ് ഭാവന. നീണ്ട ഇടവേളയ്ക്ക് ശേഷം മലയാള സിനിമയില്‍ സജീവമാകാന്‍ ഒരുങ്ങുകയാണ് താരം. സോഷ്യല്‍ മീഡിയയില്‍ സജീവമായ താരം ഇടയ്ക്ക് ഫോട്ടോഷൂട്ട് ചിത്രങ്ങള്‍ പങ്കുവയ്ക്കാറുണ്ട്. ഇപ്പോഴിതാ സ്റ്റൈലിഷ് ആന്‍ഡ് ക്യൂട്ട് ലുക്കില്‍ എത്തിയിരിക്കുകയാണ് താരം. യെല്ലോ കളര്‍ സ്ലീവ്‌ലെസ്സ് ടോപ്പും ബ്ലൂ ജീന്‍സുമാണ് താരം ധരിച്ചിരിക്കുന്നത്. ‘ഒരുപാട് നേരം ചിന്തിച്ചു, പക്ഷേ ഒരു ക്യാപ്ഷന്‍ കിട്ടിയില്ല’ എന്നാണ് താരം ചിത്രത്തിന് നല്‍കിയിരിക്കുന്ന കുറിപ്പ്.
നവാഗതനായ ആദില്‍ മൈമൂനത്ത് അഷ്‌റഫ് സംവിധാനം ചെയ്യുന്ന ന്റിക്കാക്കാക്കൊരു പ്രേമൊണ്ടാര്‍ന്ന് എന്ന ചിത്രത്തിലൂടെ മലയാളത്തിലേക്ക് തിരിച്ചുവരികയാണ് ഭാവന. ഷറഫുദ്ദീനാണ് ചിത്രത്തില്‍ മറ്റൊരു കേന്ദ്രകഥാപാത്രത്തെ അവതരിപ്പിക്കുന്നത്. ഭാവനയുടെ തിരിച്ചുവരവ് അണിയറപ്രവര്‍ത്തകര്‍ ആഘോഷിച്ചിരുന്നു.
കന്നഡ സിനിമ നിര്‍മ്മാതാവായ നവീനുമായി 2018 ജനുവരി 23നായിരുന്നു ഭാവനയുടെ വിവാഹം. നവീനൊപ്പം ബംഗളൂരുവിലാണ് ഭാവനയുടെ താമസം. വിവാഹം കഴിഞ്ഞ് കുറച്ചുനാള്‍ സിനിമയില്‍ നിന്ന് വിട്ടുനിന്ന ഭാവന ഒരിടവേളയ്ക്ക് ശേഷം ’96’ എന്ന ചിത്രത്തിന്റെ കന്നട റീമേക്കില്‍ നായികയായാണ് അഭിനയരംഗത്തേക്ക് തിരിച്ചെത്തിയത്. തുടര്‍ന്ന് കന്നഡയില്‍ സജീവമായിരുന്നു താരം.
View this post on Instagram
