തെന്നിന്ത്യൻ സിനിമാപ്രേമികളുടെ പ്രിയപ്പെട്ട താരസുന്ദരിയാണ് ഹണി റോസ്. വിനയൻ സംവിധാനം ചെയ്ത ‘ബോയ് ഫ്രണ്ട്’ എന്ന ചിത്രത്തിലൂടെയാണ് അഭിനയരംഗത്തേക്ക് ഹണി റോസ് എത്തിയത്. ആ ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ച മറ്റു താരങ്ങൾ മണിക്കുട്ടൻ, ലക്ഷ്മി ഗോപാലസ്വാമി, മുകേഷ് എന്നിവർ ആയിരുന്നു.
‘ബോയ്ഫ്രണ്ട്’ എന്ന സിനിമ തിയറ്ററുകളിൽ വേണ്ടത്ര വിജയം കൈവരിച്ചില്ല. എന്നാൽ, ആദ്യചിത്രത്തിലെ പ്രകടനം ഹണി റോസിന് അന്യഭാഷാ ചിത്രങ്ങളിലും അവസരം നേടിക്കൊടുത്തു. മുതൽ കനവേ എന്ന സൂപ്പർ ഹിറ്റ് ചിത്രത്തിലൂടെ തമിഴ് പ്രേക്ഷകരുടെ ഇഷ്ട താരമായി മാറിയ ഹണി റോസ് ഇന്ന് മലയാള സിനിമയിലെ തിരക്കേറിയ നായികയാണ്.
അനൂപ് മേനോൻ, ജയസൂര്യ എന്നിവർ പ്രധാനവേഷത്തിൽ എത്തിയ ട്രിവാൻഡ്രം ലോഡ്ജ്, ദൈവത്തിന്റെ സ്വന്തം ക്ലീറ്റസ്, വൺ ബൈ ടു, റിംഗ് മാസ്റ്റർ തുടങ്ങി നിരവധി ചിത്രങ്ങളിൽ ഹണി റോസ് ശ്രദ്ധേയമായ വേഷങ്ങൾ കൈകാര്യം ചെയ്തു. മോഡലിങ്ങ് രംഗത്തും താരം സജീവമാണ്. താരം പങ്കുവെച്ച ചിത്രങ്ങളാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്.
