തെന്നിന്ത്യയിലെ ഏത് ഭാഷയെടുത്താലും നിറയെ ആരാധകരുള്ള നടിയാണ് ഖുശ്ബു സുന്ദർ. ഒരുവേള ചലച്ചിത്രമേഖലയിൽ നിന്ന് മാറി രാഷ്ട്രീയത്തിലും താരം ഒരു കൈ പയറ്റി നോക്കി. അന്നും ഖുശ്ബുവിനെ ആരാധകർ കൈവിട്ടില്ല. പൂർണപിന്തുണയാണ് നൽകിയത്. ഏതായാലും ഖുശ്ബുവിന്റെ പുതിയ ചിത്രങ്ങളാണ് സോഷ്യൽ മീഡിയയിൽ വൈറലായിരിക്കുന്നത്. ഇൻസ്റ്റഗ്രാമിൽ ‘അന്നും ഇന്നും’ എന്ന അടിക്കുറിപ്പോടെ താരം പങ്കുവെച്ച ചിത്രമാണ് ശ്രദ്ധ നേടുന്നത്. പുതിയ ലുക്കിലുള്ള ചിത്രത്തിൽ വണ്ണം കുറച്ച് സ്ലിം ലുക്കിലാണ് താരം പ്രത്യക്ഷപ്പെടുന്നത്.
നേരത്തെയുള്ള തന്റെ ഒരു ചിത്രവും മെലിഞ്ഞതിനു ശേഷമുള്ള ചിത്രവും ചേർത്തുവെച്ചുള്ള ഫോട്ടോയാണ് ഖുശ്ബു ഇൻസ്റ്റഗ്രാമിൽ പങ്കുവെച്ചിരിക്കുന്നത്. ‘അന്നും ഇന്നും. വലിയ മാറ്റമൊന്നുമില്ല. പതിനഞ്ചു കിലോ കുറഞ്ഞു എന്നല്ലാതെ’ – എന്ന അടിക്കുറിപ്പോടെയാണ് ഖുശ്ബു ഇൻസ്റ്റഗ്രാമിൽ ചിത്രം പങ്കുവെച്ചിരിക്കുന്നത്. നേരത്തെയും പുത്തൻ ലുക്കിലുള്ള നിരവധി ചിത്രങ്ങൾ ഖുശ്ബു ഇൻസ്റ്റഗ്രാമിൽ പങ്കുവെച്ചിരുന്നു. ഫോട്ടോയ്ക്ക് താഴെ നിരവധി പേരാണ് താരത്തെ അഭിനന്ദിച്ചു കൊണ്ട് എത്തിയിരിക്കുന്നത്.
കഴിഞ്ഞയിടെ ജംപ്സ്യൂട്ടിൽ താരം ഒരു ചിത്രം പങ്കുവെച്ചിരുന്നു. കഠിനാധ്വാനത്തിന്റെ ഫലം കാണുമ്പോഴുള്ള സന്തോഷം പറഞ്ഞറിയിക്കാനാവില്ലെന്ന് പറഞ്ഞാണ് ഖുശ്ബു അന്ന് ചിത്രങ്ങൾ പങ്കുവെച്ചത്. കൃത്യമായ ഡയറ്റിങ്ങും ദിവസം രണ്ടു മണിക്കൂറോളം നേരം നീളുന്ന വർക്ക് ഔട്ടുമാണ് വണ്ണം കുറഞ്ഞതിനു പിന്നിലെന്ന് താരം തന്നെ പറഞ്ഞിട്ടുണ്ട്. അത് മാത്രമല്ല ലോക്ക് ഡൗൺ കാലത്ത് വീട്ടിലെ ജോലികൾ മുഴുവൻ ഒറ്റയ്ക്കായിരുന്നു താരം ചെയ്തിരുന്നത്. വർക് ഔട്ടിനൊപ്പം യോഗയും പരിശീലിക്കുന്നുണ്ട് താരം.
View this post on Instagram
