സിനിമയിലേക്കുള്ള തിരിച്ചുവരവിന്റെ പാതയിലാണ് നടി മീര ജാസ്മിൻ. സത്യൻ അന്തിക്കാട് ചിത്രമായ ‘മകൾ’ ആണ് ആറു വർഷത്തിനു ശേഷമുള്ള മീരയുടെ തിരിച്ചുവരവിന് വഴിയൊരുക്കുന്നത്. ജയറാം ആണ് ചിത്രത്തിൽ മീരയുടെ നായകനായി എത്തുന്നത്. സിനിമയിലേക്ക് തിരിച്ചെത്തിയതിന് ഒപ്പം തന്നെ ഒരു കാര്യം കൂടി താരം ചെയ്തു. സോഷ്യൽ മീഡിയയിൽ സജീവമായി. ഇൻസ്റ്റഗ്രാമിൽ സജീവമായ താരം തന്റെ വ്യക്തിപരമായ വിശേഷങ്ങളും സിനിമാവിശേഷങ്ങളും ഫോട്ടോഷൂട്ട് വിശേഷങ്ങളും എല്ലാം പങ്കുവെക്കാറുണ്ട്.
മീര ജാസ്മിന്റെ ഏറ്റവും അടുത്തിടെ നടത്തിയ ഗ്ലാമർ ഫോട്ടോഷൂട്ടിന്റെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിരിക്കുന്നത്. ചിലർ ഗ്ലാമർ ഫോട്ടോഷൂട്ടിന് കൈ അടിച്ചപ്പോൾ ചില ആരാധകർക്ക് അത് അത്ര രസിച്ചില്ല. ‘ട്രെൻഡിനൊപ്പം’ ‘സെക്സി ബേബ്’ എന്നിങ്ങനെ പോകുന്നു കമന്റുകൾ. ഇത് വേണ്ടായിരുന്നു എന്നൊരു അഭിപ്രായവും ചില ആരാധകർ പങ്കു വെച്ചിട്ടുണ്ട്.
2016ൽ പുറത്തിറങ്ങിയ പത്തു കൽപനകളിലാണ് മുഴുനീള വേഷത്തിൽ മീര ജാസ്മിൻ അവസാനമായി അഭിനയിച്ചത്. 2018ൽ റിലീസ് ചെയ്ത പൂമരം സിനിമയിൽ അതിഥി വേഷത്തിലും താരം അഭിനയിച്ചിരുന്നു. ഏതായാലും മലയാള സിനിമയിൽ സജീവമാകാനാണ് താരത്തിന്റെ തീരുമാനം.
View this post on Instagram
View this post on Instagram
View this post on Instagram
