തെന്നിന്ത്യൻ സൂപ്പർ താരം നയൻതാരയും സംവിധായകൻ വിഘ്നേഷ് ശിവനും വിവാഹിതരാകുന്നു. ജൂൺ മാസത്തിൽ ഇവർ വിവാഹിതരാകുമെന്നാണ് കരുതുന്നത്. ജൂൺ ഒമ്പതിന് തിരുപ്പതിയിൽ വെച്ച് വിവാഹം നടക്കുമെന്നാണ് റിപ്പോർട്ടുകൾ. എന്നാൽ, ഇതു സംബന്ധിച്ച് ഔദ്യോഗിക വിശദീകരണങ്ങളൊന്നും പുറത്തു വന്നിട്ടില്ല.
ഇരുവരും ദീർഘനാളായി പ്രണയത്തിലാണ്. അടുത്ത മാസം ഒമ്പതാം തീയതി തിരുമല തിരുപ്പതി ക്ഷേത്രത്തിൽ വെച്ചായിരിക്കും വിവാഹം എന്നാണ് വിവിധ റിപ്പോർട്ടുകൾ സൂചിപ്പിക്കുന്നത്. കുടുംബാംഗങ്ങളും അടുത്ത സുഹൃത്തുക്കളും മാത്രം പങ്കെടുക്കുന്ന ഒരു വിവാഹമായിരിക്കും താരങ്ങളുടേതെന്നും റിപ്പോർട്ടുകളുണ്ട്.
വിഘ്നേഷ് ശിവൻ സംവിധാനം ചെയ്ത കാതുവാക്കുളെ രണ്ട് കാതൽ എന്ന സിനിമയിൽ നയൻതാര അഭിനയിച്ചിരുന്നു. വിജയ് സേതുപതിയും സാമന്തയും ചിത്രത്തിൽ അഭിനയിച്ചിരുന്നു. ബോക്സ് ഓഫീസിൽ മികച്ച വിജയമായിരുന്നു ചിത്രം. ചിത്രത്തിന്റെ ബോക്സ് ഓഫീസ് വിജയത്തിനു പിന്നാലെ നയൻതാരയും വിഘ്നേഷ് ശിവനും തിരുമല തിരുപ്പതി ക്ഷേത്രം സന്ദർശിച്ചിരുന്നു. തിരുപ്പതി ക്ഷേത്രം സന്ദർശിച്ചതിന്റെ ചിത്രങ്ങൾ വിഘ്നേഷ് സോഷ്യൽമീഡിയയിൽ പങ്കുവെയ്ക്കുകയും ചെയ്തിരുന്നു.
View this post on Instagram
![](https://i0.wp.com/cinemadaddy.com/wp-content/uploads/2021/09/nayan-vigneshh.jpg?resize=788%2C419&ssl=1)