വിനയൻ സംവിധാനം ചെയ്ത പൃഥ്വിരാജ് നായകനായെത്തിയ സത്യം എന്ന ചിത്രത്തിലൂടെ മലയാളത്തിലേക്ക് അരങ്ങേറ്റം കുറിച്ച താരമാണ് പ്രിയാമണി. നടിയായും മോഡലായും ഡാൻസറായും എത്തിയ പ്രിയാമണിയെ മലയാളികൾക്ക് ഏറെ ഇഷ്ടമാണ്. വിവാഹശേഷം അഭിനയ ജീവിതത്തിൽ നിന്നും വിട്ടുനിന്ന താരം പിന്നീട് മമ്മൂട്ടി നായകനായെത്തിയ പതിനെട്ടാംപടി എന്ന ചിത്രത്തിലൂടെയാണ് വീണ്ടും അഭിനയരംഗത്തേക്ക് എത്തുന്നത്. ബിസിനസുകാരനായ മുസ്തഫ ആണ് പ്രിയാമണിയുടെ ഭർത്താവ്. നീണ്ടനാളത്തെ പ്രണയത്തിന് ശേഷമായിരുന്നു ഇരുവരും വിവാഹിതരായത്.
ഇപ്പോഴിതാ സോഷ്യല്‍ മീഡിയയില്‍ പ്രിയ മണി പങ്കുവെച്ച പുത്തന്‍ ഫോട്ടോഷൂട്ട് ചിത്രങ്ങള്‍ക്ക് താഴെ ഒരു ആരാധകന് കുറിച്ച കമന്‍്റും ഇതിന് നടി നല്‍കിയ മറുപടിയുമാണ് ശ്രദ്ധ നേടുന്നത്. ‘താങ്കളുടെ രക്ത് ചരിത സിനിമ മുതല്‍ ഒരുപാട് ഇഷ്ടമാണ്. പക്ഷേ താങ്കളെന്തിനാണ് ഒരു മുസ്ലീമിനെ വിവാഹം ചെയ്തത്’ എന്നായിരുന്നു അരുണ്‍ ചൌധരി എന്ന ആരാധകന്‍്റെ കമന്റ്. ‘ഞാന്‍ വിവാഹം ചെയ്തത് ഒരു ഇന്ത്യന്‍ പൌരനെയാണ്’ എന്നായിരുന്നു പ്രിയമണിയുടെ മാസ്സ് മറുപടി. ഇതിനും മറുപടിയുമായി അരുണ്‍ ചൌധരി എത്തിയിട്ടുണ്ട്. ‘അതെ സത്യമാണ്, പക്ഷേ താങ്കള്‍ പോയതില്‍ എനിക്കിപ്പോള്‍ അസൂയ ഉണ്ട്’ എന്നായിരുന്നു അയാളുടെ മറുകമന്റ്. അതൊരു നല്ല തീരുമാനമായിരുന്നുവെന്നും ജാതിമതഭേദമന്യേ പരസ്പരം വിവാഹം ചെയ്യുന്നത് ചോദ്യം ചെയ്യുന്നവര്‍ക്ക് കൊടുക്കാവുന്നതില്‍ മികച്ച മറുപടി തന്നെയാണ് അതെന്നുമാണ് പ്രിയയുടെ മറുപടിയ്ക്ക് ഒരു ആരാധിക നല്‍കിയ കമന്റ്.
