തെന്നിന്ത്യന് നടി രംഭ സഞ്ചരിച്ച കാര് അപകടത്തില്പ്പെട്ടു. രംഭയും കാറില് ഒപ്പമുണ്ടായിരുന്ന കുട്ടികളും അത്ഭുതകരമായി രക്ഷപ്പെട്ടു. മൂത്ത മകള് സാഷ്യ്ക്ക് പരുക്കേറ്റിട്ടുണ്ട്. കുട്ടി നിലവില് ആശുപത്രിയില് ചികിത്സയിലാണ്. അപകടം നടന്ന കാര്യം രംഭ തന്നെയാണ് ആരാധകരെ അറിയിച്ചത്.
‘സ്കൂളില് നിന്ന് കുട്ടികളെ കൊണ്ടുവരുമ്പോള് ഞങ്ങളുടെ കാറിനെ മറ്റൊരു കാര് ഇടിച്ചു. ഞാനും കുട്ടികളും മുത്തശ്ശിയും നിസാര പരുക്കുകളോടെ രക്ഷപ്പെട്ടു, എന്റെ കുഞ്ഞ് സാഷ ഇപ്പോഴും ആശുപത്രിയിലാണ്. മോശം ദിവസവും മോശം സമയവും. ഞങ്ങള്ക്കായി പ്രാര്ഥിക്കൂ. നിങ്ങളുടെ പ്രാര്ഥന ഞങ്ങള്ക്ക് വലിയ കാര്യമാണ്’ , രംഭ സാമൂഹ്യമാധ്യമത്തില് കുറിച്ചു. കാനഡയില്വച്ച് അപകടത്തില്പ്പെട്ട കാറിന്റെയും ആശുപത്രിയില് ചികിത്സയിലിരിക്കുന്ന മകളുടെയും ഫോട്ടോകളും രംഭ പങ്കുവച്ചു.
ഒരു കാലത്ത് മലയാലത്തിലും തെലുങ്കിലും ഹിന്ദിയിലും കന്നഡയിലുമൊക്കെ വിജയ നായികയായിരുന്നു രംഭ. 2010ല് ഇന്ദ്രകുമാര് പത്മനാതനുമായി വിവാഹിതയായി. മമ്മൂട്ടി, രജനികാന്ത്, അജിത്ത്, വിജയ് തുടങ്ങിയ മുന്നിര താരങ്ങള്ക്കൊപ്പം അഭിനയിച്ച രംഭ വിവാഹം കഴിഞ്ഞതിന് ശേഷമാണ് സിനിമയില് നിന്ന് വിട്ടുനിന്നത്. ഇന്ദ്രകുമാര് പത്മനാതന്- രംഭ ദമ്പതിമാര്ക്ക് രണ്ട് പെണ്മക്കളും ഒരു മകനുമാണ് ഉള്ളത്.