നിരവധി സിനിമകളിൽ അഭിനയിച്ചതിന് ഒടുവിൽ പ്രണവ് മോഹൻലാൽ നായകനായി എത്തിയ ആദി എന്ന ചിത്രത്തിലൂടെ പ്രേക്ഷക ഹൃദയം കീഴടക്കിയ താരമാണ് അതിഥി രവി. അനൂപ് മേനോനും ഭാവനയും പ്രധാന വേഷങ്ങൾ അവതരിപ്പിച്ച ആംഗ്രി ബേബീസ് ഇൻ ലവ് എന്ന ചിത്രത്തിലൂടെയാണ് താരം അഭിനയ രംഗത്തേക്ക് കടന്നു വരുന്നത്. ഉദാഹരണം സുജാതയിലെ ക്ലൈമാക്സ് സീനിൽ മാത്രം വന്ന് കൈയടി നേടിയ താരം കോഹിനൂർ, ലവകുശ, കുട്ടനാടൻ മാർപാപ്പ, നാം തുടങ്ങിയ സിനിമകളിൽ ഇതിനോടകം അഭിനയിച്ചു കഴിഞ്ഞു.
അലമാര എന്ന ചിത്രത്തിൽ സണ്ണി വെയിന്റെ നായികയായും താരം എത്തിയിരുന്നു. ലോക്ക്‌ ഡൗൺ ആയതിനാൽ പുത്തൻ പരീക്ഷണങ്ങൾ നടത്തുന്ന താരം തന്റെ ചിത്രങ്ങളെല്ലാം ഇൻസ്റ്റഗ്രാം പേജിലൂടെ പങ്കുവെക്കുന്നുണ്ട്. അതിഥി സ്വന്തമായി വരച്ച ഒരു ചിത്രവും അതുപോലെ വെള്ള ചുരിദാർ ഇട്ട് പോസ്റ്റ് ചെയ്തിരിക്കുന്ന അതിഥിയുടെ ചിത്രങ്ങളും ഇപ്പോൾ സോഷ്യൽ മീഡിയയിൽ വൈറലാണ്. ഒരു മാടപ്രാവിനെ പോലെ തോന്നിപ്പിക്കുന്ന ചിത്രങ്ങളാണ് താരം പങ്കുവച്ചിരിക്കുന്നത് എന്ന് നിരവധി വ്യക്തികൾ ആണ് കമന്റ് ചെയ്തിട്ടുള്ളത്. നടി അമേയ മാത്യുവും ഫോട്ടോയുടെ താഴെ കമന്റ് ചെയ്‌തു.
