ഏറെ കൊട്ടിഘോഷിച്ച് നടത്തിയ ആദിത്യൻ – അമ്പിളി ദേവി വിവാഹം ഇപ്പോൾ തകർച്ചയുടെ പാതയിലാണ്. ആദിത്യന്‍ ഇപ്പോള്‍ തൃശൂരിലുള്ള ഒരു സ്ത്രീയുമായി പ്രണയത്തിലാണ്. താന്‍ വിവാഹമോചനം കൊടുക്കണം. ആ സ്ത്രീ ഗര്‍ഭിണിയാണ്. ഇക്കാര്യം പുറത്തു പറയുന്നതില്‍ അവര്‍ക്ക് പ്രശ്‌നമുണ്ട്. തനിക്ക് ഭീഷണിയുണ്ടെന്നും അമ്പിളി ദേവി പ്രതികരിച്ചു. ഈ ആരോപണങ്ങൾക്ക് മറുപടിയുമായി എത്തിയിരിക്കുകയാണ് ആദിത്യൻ.
തങ്ങളുടെ വിവാഹബന്ധത്തില്‍ പ്രശ്‌നങ്ങളുണ്ട്. അതിന് വ്യക്തമായ കാരണങ്ങളുമുണ്ട്. പക്ഷേ അമ്പിളി തനിക്കെതിരെ പറഞ്ഞിരിക്കുന്ന കാര്യങ്ങള്‍ വ്യാജ ആരോപണങ്ങളാണ്. അവരെ കൊല്ലുമെന്നോ സൈബര്‍ ആക്രമണം നടത്തി ഇല്ലാതാക്കുമെന്നോ പറഞ്ഞിട്ടില്ല. മക്കളുടെ എല്ലാ കാര്യങ്ങളും താന്‍ നോക്കുന്നുണ്ട്. ചെലവിന് പണം നല്‍കുന്നുണ്ട്. തനിക്ക് ഒരു സ്ത്രീയുമായി ബന്ധമുണ്ടെന്നാണ് അവരുടെ ആരോപണം. അവര്‍ ആരോപിക്കുന്ന തരത്തിലുള്ള ബന്ധമല്ല അത്. അവരെന്റെ സുഹൃത്താണ്. കഴിഞ്ഞ മാര്‍ച്ചിലാണ് തങ്ങള്‍ പരിചയത്തിലാകുന്നത് എന്നതും ശരിയാണ്.
ഈ സ്ത്രീ ഗര്‍ഭിണിയാണെന്നും ഇപ്പോള്‍ അബോര്‍ഷന്‍ നടത്തിയെന്നും അറിയാന്‍ കഴിഞ്ഞെന്നും അമ്പിളിദേവി പറഞ്ഞിരുന്നു. ഈ ആരോപണത്തിനും ആദിത്യന്‍ പ്രതികരിച്ചു. താന്‍ അങ്ങനെ ഒന്നും ചെയ്തിട്ടില്ല എന്നാണ് നടന്‍ പറയുന്നത്. കൂടാതെ താനും അമ്പിളിയും തമ്മിലുള്ള പ്രശ്‌നങ്ങള്‍ക്ക് കൃത്യമായ കാരണമുണ്ടെന്നും തെളിവുസഹിതം വെളിപ്പെടുത്താന്‍ തയ്യാറാണെന്നും നടന്‍ പറഞ്ഞു.
