അദിതി റാവു ഹൈദരിയെ അറിയാത്ത മലയാളികള്‍ ഉണ്ടാകില്ലെന്നു തന്നെ പറയാം. ‘സൂഫിയും സുജാതയും’ എന്ന ചിത്രത്തിലെ സുജാതയായി അടുത്തിടെ മലയാളികളുടെ മനം കവര്‍ന്ന താരമാണ് അദിതി. വര്‍ഷങ്ങള്‍ക്കു മുന്‍പ് ‘പ്രജാപതി’ എന്ന മമ്മൂട്ടി ചിത്രത്തിലൂടെയായിരുന്നു അദിതിയുടെ മലയാളത്തിലെ അരങ്ങേറ്റം. ഇപ്പോഴിതാ താരത്തിന്റെ ഒരു കുട്ടിക്കാലചിത്രം സോഷ്യല്‍ മീഡിയയില്‍ വൈറലായിരിക്കുകയാണ്.
View this post on Instagram
സൂഫിയും സുജാതയും വലിയ ഒരു ഇടവേളയ്ക്ക് ശേഷം മലയാളത്തിലേക്ക് അദിതി മടങ്ങിയെത്തിയ ചിത്രമായിരുന്നു.
ഹൈദരിക്ക് പ്രശസ്തി നേടിക്കൊടുത്ത മറ്റൊരു ചിത്രം 2011ല്‍ സുധീര്‍ മിശ്ര സംവിധാനം ചെയ്ത ‘യേ സാലി സിന്ദഗി’ ആയിരുന്നു. ഈ ചിത്രം അവര്‍ക്ക് മികച്ച സഹനടിക്കുളള സ്‌ക്രീന്‍ അവാര്‍ഡ് നേടിക്കൊടുത്തു. റോക്സ്റ്റാര്‍, മര്‍ഡര്‍ 3, ബോസ്, വസീര്‍ തുടങ്ങിയ ചിത്രങ്ങളും ഏറെ ശ്രദ്ധേയമായിരുന്നു. 2018ല്‍ ‘പത്മാവതി’ എന്ന സിനിമയില്‍ അദിതി അവതരിപ്പിച്ച മെഹ്രുനിസ രാജ്ഞിയുടെ റോളും പ്രേക്ഷകര്‍ ഇരുകയ്യും നീട്ടി സ്വീകരിച്ചു.
രാഷ്ട്രീയക്കാരായ മുഹമ്മദ് സലേ അക്ബര്‍ ഹൈദരിയുടെയും ജെ. രാമേശ്വര്‍ റാവുവിന്റെയും കൊച്ചുമകളാണ് അദിതി റാവു ഹൈദരി. 2007ല്‍ തമിഴ് ചിത്രമായ ‘സ്രിംഗാരം’ എന്ന ചിത്രത്തിലൂടെയാണ് അരങ്ങേറ്റം കുറിച്ചത്. ഇതിലെ ദേവദാസി കഥാപാത്രം അദിതിക്ക് ഏറെ പ്രശസ്തി സമ്മാനിച്ചു.
‘ദ ഗേള്‍ ഓണ്‍ ദ ട്രെയിന്‍’ എന്ന ബോളിവുഡ് ചിത്രമാണ് അദിതിയുടെ പുതിയ ചിതേരം തെലുങ്ക് ചിത്രം ‘മഹാസമുദ്രം’ ആണ് അദിതിയുടേതായി പുറത്തിറങ്ങാനുള്ള മറ്റൊരു സിനിമ.
