വെയിൽ എന്ന ചിത്രത്തിന്റെ പേരിൽ നിർമാതാവ് ജോബി ജോർജും ഷെയ്ൻ തമ്മില്ലുള്ള പ്രശ്നങ്ങൾ സോഷ്യൽ മീഡിയ നിറഞ്ഞു നിൽക്കേ ഷെയ്ൻ നായകനാകുന്ന ഉല്ലാസത്തിന്റെ നിർമാതാവും താരത്തിനെതിരെ പരാതിയുമായി പ്രൊഡ്രൂസേഴ്സ് അസോസിയേഷനെ സമീപിച്ചിരിക്കുന്നു. കരാർ തുകയേക്കാൾ കൂടുതൽ പ്രതിഫലം ആവശ്യപ്പെട്ടുവെന്നാണ് പരാതി. 30 ലക്ഷമാണ് കരാർ പ്രകാരം നൽകേണ്ടിയിരുന്ന തുകയെന്നും ഷെയിൻ ഇപ്പോൾ കുറഞ്ഞത് 45 ലക്ഷമെങ്കിലും തരണമെന്ന് പ്രൊഡ്യൂസേഴ്സ് അസോസിയേഷൻ പുറത്തു വിട്ട വോയിസ് ക്ലിപ്പിൽ നിന്നും വ്യക്തമാണ്.
30 ലക്ഷം ഇപ്പോൾ തന്നതിന് ശേഷം ഷെയർ നൽകുകയോ അല്ലെങ്കിൽ ഡിജിറ്റൽ റൈറ്റ്സ് എഴുതി തരുകയോ ചെയ്താൽ മതിയെന്നും ഷെയിൻ വ്യക്തമാക്കുന്നുണ്ട്. പുതിയ ചിത്രങ്ങൾക്ക് എല്ലാം തന്നെ 75 ലക്ഷമാണ് ഇപ്പോൾ വാങ്ങുന്നത് എന്നും ഷെയിൻ പറയുന്നുണ്ട്. അതെ സമയം വെയിൽ, ഖുർബാനി തുടങ്ങി ഷെയിൻ കമ്മിറ്റ് ചെയ്‌ത ചിത്രങ്ങൾ പൂർത്തിയാക്കാതെ മറ്റു ചിത്രങ്ങളിൽ ഷെയിനുമായി സഹകരിക്കില്ലെന്ന നിലപാടിലാണ് നിർമാതാക്കളും. ജോ കൈതമറ്റം, ക്രിസ്റ്റി കൈതമറ്റം എന്നിവർ ചേർന്ന് നിർമിക്കുന്ന ഉല്ലാസത്തിന്റെ സംവിധാനം ജീവൻ ജോജോയാണ്.
