അജയ് വാസുദേവ് സംവിധാനം ചെയ്യുന്ന മമ്മൂട്ടി കേന്ദ്ര കഥാപാത്രമായി എത്തുന്ന ഏറ്റവും പുതിയ ചിത്രം ഷൈലോക് തീയറ്ററില്‍ എത്താനിരിക്കുകയാണ്. ചിത്രത്തിന്റെ തിരക്കഥ അനീഷ് ഹമീദ്, ബിബിന്‍ മോഹന്‍ എന്നീ നവാഗതരുടേതാണ്.ബൈജു സന്തോഷ്, സിദ്ദിഖ്, കലാഭവന്‍ ഷാജോണ്‍, മാന, രാജ്കിരണ്‍, ബിബിന്‍ ജോര്‍ജ്ജ്, ഹരീഷ് കണാരന്‍, ജോണ്‍ വിജയ് എന്നിവര്‍ ചിത്രത്തില്‍ അണിനിരക്കുന്നുണ്ട്.
ഷൈലോക്ക് ഒരു കംപ്ലീറ്റ് മാസ്സ് എന്റെര്‍റ്റൈനെര്‍ ആണ് എന്ന് ഉറപ്പിച്ച് പറയാനാകുമെന്ന് സംവിധായകന്ഡ അജയ് വാസുദേവ് പറയുന്നു. മാത്രമല്ല ഇക്ക ഫാന്‌സിന് ആഘോഷിക്കാനുള്ള ചേരുവകളൊക്കെ ചിത്രത്തില്‍ ഒരുക്കിയിട്ടുണ്ടെന്നും അദ്ദേഹം അഭിമുഖത്തില്‍ പറഞ്ഞു. ഗുഡ്വില്‍ എന്റര്‍ടെയ്ന്‍മെന്റ്സിന്റെ ബാനറില്‍ ജോബി ജോര്‍ജ്ജ് ആണ് ഷൈലോക്ക് നിര്‍മ്മിക്കന്നത്.
മമ്മൂട്ടിയുടെ കൂടെഅജയ് വാസുദേവ് വര്‍ക്ക് ചെയ്യുന്ന മൂന്നാമത്തെ ചിത്രമാണ് ഷൈലോക്ക്.
മലയാളത്തിന്റെ മെഗാസ്റ്റാറിന്റെ കൂടെ തുടര്‍ച്ചയായി ഇത്രയും പടങ്ങള്‍ ചെയ്യാന്‍ കഴിഞ്ഞുവെന്നതില്‍ സന്തോഷിക്കുന്നു എന്ന് അദ്ദേഹം പറയുന്നു. താന്‍ മമ്മൂട്ടിയുടെ വലിയൊരു ആരാധകന്‍ ആണെന്നും . സിനിമയെ ഇഷ്ടപ്പെടാനും സിനിമാ ഇന്‍ഡസ്ട്രിയിലേക്ക് വരാനുമുള്ള ഒരു കാരണം അദ്ദേഹത്തോടുള്ള ആറരാധന ആണെന്നും അദ്ദേഹം പറയുന്നു. മമ്മൂക്ക സിനിമകള്‍ കുഞ്ഞിലെ മുതല്‍ കാണുമായിരുന്നു. അദ്ദേഹത്തിന്റെ സിനിമകള്‍ കണ്ടാണ് ഈ ഫീല്‍ഡിനെ ഇത്രയധിക ശ്രദ്ദിക്കാന്‍ തുടങ്ങിയതെന്നും അദ്ദേഹം പറയുന്നു. ഫാമിലി മാസ് എന്റര്‍ടെയിനറാണ് ഷൈലോക്ക് എന്ന് പറയാമെന്ന് അദ്ദേഹം പറയുന്നു നിരവധി ഫണ്‍ എലമെന്റുകള്‍ ചിത്രത്തില്‍ ഉള്‍പ്പെടുത്തിയിട്ടുണ്ട്. മാത്രമല്ല ചിത്രത്തില്‍ ആക്ഷനും ഹ്യൂമറിനും പാട്ടിനുമെല്ലാം പ്രധാന്യം നല്‍കിയിട്ടുണ്ട്.
