കഥയെഴുതി സംവിധാനം ചെയ്ത എല്ലാ ചിത്രങ്ങളും വിജയിച്ച വ്യക്തിയാണ് വിനീത് ശ്രീനിവാസൻ. സംവിധായകന്‍, തിരക്കഥാകൃത്ത്, നടന്‍, പിന്നണിഗായകന്‍ തുടങ്ങിയ മേഖലകളിലൂടെ മലയാളിയുടെ മനം കവർന്ന താരം. വിജയത്തിളക്കത്തിൽ നിൽക്കുന്ന വിനീത് ഇടയ്ക്കിടയ്ക്ക് ഒരു മണ്ടത്തരം കാണിക്കാറുണ്ടെന്ന് തുറന്നു പറയുകയാണ് അജു വർഗീസ്. കൗമുദി ചാനലിന് നൽകിയ അഭിമുഖത്തിലാണ് അജു ഇക്കാര്യം തുറന്നുപറഞ്ഞത്. വിനീത് ഡ്രൈവിംഗ് പഠിച്ചു വന്ന സമയത്ത് അത്യാവശ്യമായി ഒരു സിനിമയ്ക്ക് പോകേണ്ടിവന്നു.
ഒരു വളവു കഴിഞ്ഞപ്പോൾ എതിരെ വന്ന ഒരു ലോറി കാറിൽ തട്ടി. അത് ലോറിക്കാരന്റെ കുഴപ്പം ആണെങ്കിലും വിനീത് ചാടി ഇറങ്ങി ക്ഷമ ചോദിച്ചു. ഇവർ എന്താണ് പറയുന്നത് എന്ന രീതിയിൽ ലോറിക്കാരൻ നിന്നു എന്ന് അജു തമാശ രൂപേണ പറയുന്നു. എന്നാൽ ഇതിനു പകരമായി വിനീത് പറയുന്നത് ഇങ്ങനെയാണ്. താൻ അയാളെ ആണോ ഇടിച്ചത് അതോ അയാൾ തന്നെയാണോ ഇടിച്ചത് എന്ന് വിനീതിന് സംശയമായി. വിനീതിന് ഇടിച്ച് ശീലമുള്ളത് കൊണ്ട് സോറി പറഞ്ഞും ശീലമാണ്.
