അടി കപ്യാരെ കൂട്ടമണിക്ക് ശേഷം ഏ ജെ വർഗീസ് സംവിധാനം നിർവഹിക്കുന്ന ഉറിയടി ഇന്ന് തീയറ്ററുകളിൽ എത്തിയിരിക്കുകയാണ്. സിദ്ധിഖ്, ശ്രീനിവാസൻ, ബൈജു, ഇന്ദ്രൻസ്, അജു വർഗീസ്, പ്രേംകുമാർ, ബിജുക്കുട്ടൻ ആര്യ, മാനസ എന്നിങ്ങനെ വമ്പൻ താരനിര തന്നെ ചിത്രത്തിൽ അണിനിരക്കുന്നുണ്ട്. ചിത്രം തീയറ്ററുകളിൽ പോയി കാണണം എന്ന് ആവശ്യവുമായി അജു വർഗീസ് ഫേസ്ബുക്കിൽ പോസ്റ്റ് ചെയ്‌ത കുറിപ്പ് ശ്രദ്ധ നേടിയിരിക്കുകയാണ്.
ഉറിയടി കണ്ടോ? കമല തീയേറ്ററിൽ വന്നപ്പോൾ ആരും കണ്ടില്ല, ഇപ്പോൾ എല്ലാവര്ക്കും ഇഷ്ടമായി എന്നു അറിയുമ്പോൾ സന്തോഷം. ഉറിയടിയും നല്ല ഒരു സിനിമയാണ്… കണ്ടു ആസ്വദിക്കണം …അഭിപ്രായം പറയണം ♥️
രഞ്ജിത്ത് ശങ്കർ ഒരുക്കിയ ത്രില്ലർ ചിത്രമാണ് കമല. തീയറ്ററുകളിൽ വലിയ പ്രകടനം ഒന്നും കാഴ്ച്ച വെക്കുവാൻ സാധിക്കാതിരുന്ന ചിത്രം ടോറന്റിൽ വന്നപ്പോൾ മികച്ച അഭിപ്രായങ്ങൾ നേടുന്നുണ്ട്. അനൂപ് മേനോന്‍, പുതുമുഖം റുഹാനി ശര്‍മ്മ, ബിജു സോപാനം, സുനില്‍ സുഖദ, ഗോകുലന്‍, മൊട്ട രാജേന്ദ്രന്‍, സജിന്‍ ചെറുകയില്‍, അഞ്ജന അപ്പുക്കുട്ടന്‍, ശ്രുതി ജോണ്‍ തുടങ്ങിയവരാണ് ചിത്രത്തിലെ മറ്റു താരങ്ങൾ.
