ബോളിവുഡിൽ തന്റേതായ ഒരു സ്ഥാനം കഠിനാധ്വാനം കൊണ്ട് കരസ്ഥമാക്കിയ നടനാണ് അക്ഷയ് കുമാർ. വേറിട്ട ചിത്രങ്ങളിലൂടെ പ്രേക്ഷകരെ രസിപ്പിക്കുമ്പോഴും രസകരമായ നിമിഷങ്ങൾ പ്രേക്ഷകർക്ക് സമ്മാനിക്കുന്നതിൽ അദ്ദേഹം മറക്കാറില്ല. ഇത്തവണ അക്ഷയ് കുമാറിന്റെ പറ്റിക്കലിന് ഇരയായത് ഭാര്യ ട്വിങ്കിൾ ഖന്നയുടെ അമ്മ ഡിംപിൾ കപാഡിയയാണ്.
ഹിന്ദുസ്ഥാന്‍ ടൈംസ് ഇന്ത്യാസ് മോസ്റ്റ് സ്‌റ്റൈലിഷ് അവാര്‍ഡ് മുംബൈയില്‍ നടക്കുന്നതിനിടെയായിരുന്നു അക്ഷയ് കുമാറിന്റെ ഭാര്യ ട്വിങ്കിള്‍ ഖന്നയുടെ അമ്മയും പ്രമുഖ നടിയുമായ ഡിംപിള്‍ കപാഡിയെ അക്ഷയ് പറ്റിച്ചത്. മോസ്റ്റ് സ്‌റ്റൈലിഷ് പുരസ്‌കാരം ഡിംപിളില്‍ നിന്നും ഏറ്റുവാങ്ങാന്‍ എത്തിയതായിരുന്നു അക്ഷയ്. മോസ്റ്റ് സ്‌റ്റൈലിഷ് എന്നെഴുതിയ ബാഡ്ജ് താരത്തിന്റെ കോട്ടില്‍ പിന്‍ ചെയ്യാന്‍ ശ്രമിക്കുന്നതിനിടെ പെട്ടെന്ന് മുറിവേറ്റത് പോലെ അക്ഷയ് പിന്‍വാങ്ങി. നെഞ്ചില്‍ ചോരവരുന്നത് കണ്ട ടിംപിള്‍ കണ്ണുപൊത്തി. പിന്നീടാണ് മനസ്സിലായത് എല്ലാം അക്ഷയ് കുമാറിന്റെ അഭിനയമാണെന്ന്. മറ്റുള്ളവരെ, പ്രത്യേകിച്ച് തന്നെ പറ്റിക്കുന്നത് അക്ഷയിന്റെ വിനോദമാണെന്ന് ഡിംപിള്‍ പറഞ്ഞു. ഡിംപിളിനൊപ്പം നടി സണ്ണി ലിയോണും വേദിയില്‍ ഉണ്ടായിരുന്നു.
