പ്രേക്ഷകർ ഒന്നടങ്കം ഏറെ ആകാംക്ഷയോടെ കാത്തിരിക്കുന്ന ബാഹുബലി നായകൻ പ്രഭാസിന്റെ ബ്രഹ്മാണ്ഡ ചിത്രം സാഹോ ഓഗസ്റ്റ് 30 നാണ് ലോക വ്യാപകമായി റിലീസ് ചെയ്യുന്നത്.ഇതിനിടെ ചിത്രത്തെ തേടി വലിയൊരു റെക്കോർഡ് കൂടി എത്തിയിരിക്കുകയാണ്.ചിത്രത്തിന്റെ ഡിജിറ്റൽ റൈറ്റ്‌സ് റെക്കോർഡ് തുകയ്ക്ക് ആമസോൺ പ്രൈം സ്വന്തമാക്കിയിരിക്കുകയാണ് ഇപ്പോൾ.42 കോടി രൂപയ്ക്കാണ് ആമസോൺ പ്രൈം റൈറ്റ്‌സ് സ്വന്തമാക്കിയത്.ചിത്രത്തിന്റെ തെലുങ്ക്, മലയാളം,തമിഴ് പതിപ്പുകളുടെ റൈറ്റ്സും ഇതിൽ ഉൾപ്പെടുന്നു.
കഴിഞ്ഞ ദിവസം ചിത്രത്തിന്റെ പ്രീ റിലീസ് ചടങ്ങ് കൊച്ചിയിൽ നടന്നു. മോഹൻലാൽ മുഖ്യ അതിഥിയായി എത്തിയ ചടങ്ങിൽ സിദ്ധിഖ്, മംമ്ത മോഹൻദാസ് തുടങ്ങി സിനിമ മേഖലയിലെ നിരവധി പ്രമുഖർ പങ്കെടുത്തു.ഇന്ത്യൻ സിനിമയിലെ ഏറ്റവും കൂടുതൽ ബഡ്ജറ്റ് ഉള്ള ആക്ഷൻ ചിത്രമെന്ന സവിശേഷതയോടെയാണ് സഹോ എത്തുന്നത്. ചിത്രത്തിന്റെ കേരളത്തിലെ വിതരണം ഏറ്റെടുത്തിരിക്കുന്നത് സംവിധായകന്‍ ബി ഉണ്ണികൃഷ്ണന്റെ ഉടമസ്ഥതയിലുള്ള ആര്‍ഡി ഇലുമിനേഷനാണ്. ചിത്രം സംവിധാനം ചെയ്തിരിക്കുന്നത് സുജീത് റെഡ്ഡിയാണ്. ചിത്രം നിർമ്മിക്കുന്നത് യു.വി ക്രിയേഷന്‍സിന്‍റെ ബാനറില്‍ വംശി കൃഷ്ണ റെഡ്ഡി, പ്രമോദ് ഉപ്പലപ്പട്ടി, ബുഷന്‍ കുമാര്‍ എന്നിവര്‍ ചേര്‍ന്നാണ്.
