ഗായിക ആര്യ ദയാലിന് അഭിനന്ദനവുമായി അമിതാഭ് ബച്ചൻ. കൊറോണ വൈറസ് ബാധയെ തുടർന്ന് ആശുപത്രിയിൽ ചികിത്സയിലാണ് താരം. ‘സഖാവ്’ ഗാനം ആലപിച്ച് മലയാളികളുടെ ഹൃദയം കീഴടക്കിയ വ്യക്തിയാണ് ആര്യ ദയാൽ. തന്റെ ആശുപത്രി ദിനങ്ങളെ മനോഹരമാക്കി എന്ന് കുറിച്ചാണ് ആര്യയുടെ വീഡിയോ ബച്ചന്‍ പോസ്റ്റ് ചെയ്തിരിക്കുന്നത്. എഡ് ഷീരന്റെ ഷേപ്പ് ഓഫ് യൂ എന്ന പ്രശസ്തമായ ഗാനമാണ് കര്‍ണാടക സംഗീതത്തിലെ സ്വരങ്ങളും കഥകളിപ്പദത്തിനൊപ്പം കോര്‍ത്തിണക്കി ആര്യ ആലപിച്ചിരിക്കുന്നത്.
ബച്ചന്റെ കുറിപ്പ്:
“സംഗീതാസ്വാദനത്തിലെ എന്റെ പങ്കാളിയും പ്രിയ സുഹൃത്തുമായ വ്യക്തിയാണ് ഈ വീഡിയോ എനിക്ക് അയച്ചു തന്നത്. ഈ കുട്ടി ആരെന്നറിയില്ല, പക്ഷേ ഒരു കാര്യമാണ് പറയാനുള്ളത്, നീ പ്രത്യേക കഴിവുള്ള കുട്ടിയാണ്. ദൈവം അനുഗ്രഹിക്കട്ടെ.. ഇതേ പോലെ നല്ല നല്ല പാട്ടുകള്‍ ചെയ്യൂ. മുമ്പില്ലാത്ത വിധം ഈ ആശുപത്രി ദിനങ്ങളെ നീ മനോഹരമാക്കി.. കര്‍ണാടക സംഗീതവും പോപ് സംഗീതവും മിക്‌സ് ചെയ്യുക.. അസാധ്യം…എളുപ്പമുള്ള കാര്യമല്ല അത്. പക്ഷേ എത്ര അനായാസമായി ഇവള്‍ അത് ചെയ്യുന്നു.. രണ്ട് സ്‌റ്റൈലിലും യാതൊരു വിധ വിട്ടുവീഴ്ച്ചയ്ക്കും തയ്യാറായിട്ടില്ല. മനോഹരം… ”
T 3605 – My music partner and dear friend sent me this .. I do not know who this is but I can just say “You are a very special talent, God bless you .. keep up the good work .. you have brightened my day in the Hospital like never before. Mixing Karnatak & Western pop.. amazing!" pic.twitter.com/9YfkXDopnP
— Amitabh Bachchan (@SrBachchan) July 25, 2020
