മലയാളികളുടെ പ്രിയ ഗായികയാണ് അമൃത സുരേഷ്. ഐഡിയ സ്റ്റാര്‍ സിംഗറിലൂടെയാണ് അമൃത പ്രശസ്തയാകുന്നത്. പിന്നാലെ തമിഴ് നടന്‍ ബാലയെ അമൃത വിവാഹം ചെയ്തു. ഏറെ ചര്‍ച്ച ചെയ്യപ്പെട്ട വിവാഹം ആയിരുന്നു ഇവരുടേത്. എന്നാല്‍ രണ്ടുവര്‍ഷം മുന്‍പ് താരം വിവാഹമോചിതയായി. കുടുംബ ജീവിതത്തില്‍ ഉണ്ടായ അസ്വാരസ്യങ്ങളെ തുടര്‍ന്നാണ് അമൃത വിവാഹ ബന്ധം വേര്‍പ്പെടുത്തിയത്.
വിവാഹ മോചനത്തെ തുടര്‍ന്ന് അമൃതക്ക് നേരെ വിമര്‍ശനങ്ങള്‍ ഉണ്ടായിരുന്നു. അതിനു ശേഷം, ബിഗ്ബോസില്‍ അമൃതയും സഹോദരിയും എത്തിയിരുന്നു. ഇപ്പോള്‍ സഹോദരി അഭിരാമിയുമായി ചേര്‍ന്ന് യൂട്യൂബില്‍ വ്‌ളോഗും അമൃത ചെയ്യുന്നുണ്ട്. മകളുടെ വിശേഷങ്ങളും ചിത്രങ്ങളുമൊക്കെ അമൃത സോഷ്യല്‍ മീഡിയയിലൂടെ പങ്കുവയ്ക്കാറുണ്ട്. കഴിഞ്ഞ ദിവസം അമൃതയുടെ പിറന്നാള്‍ ആയിരുന്നു. തന്റെ പിറന്നാള്‍ മകള്‍ക്കും കുടുംബത്തിനും ഒപ്പം ഏറെ ആഘോഷമാക്കിയിരുന്നു അമൃത.
View this post on Instagram
ഇപ്പോള്‍ അമൃത പങ്കുവെച്ച പോസ്റ്റാണ് ഏറെ ശ്രദ്ധ നേടുന്നത്. അമൃതയുടെ പോസ്റ്റ് ഇങ്ങനെ, നിങ്ങളാണ് എന്റെ ബലം. ഞാന്‍ തളര്‍ന്നു പോയ സമയത്തെല്ലാം നിങ്ങള്‍ എന്നെ താങ്ങി നിര്‍ത്തി. എഴുന്നേല്‍ക്കാന്‍ പറ്റാത്ത വിധം ഞാന്‍ വീണു പോയപ്പോഴും നിങ്ങളെന്നെ ഉയര്‍ത്തി. അമ്മൂ ഞങ്ങളെല്ലാം നിന്റെ കൂടെയുണ്ട്. ധൈര്യമായി മുന്നോട്ടു പോകൂ എന്നു സദാ സമയവും നിങ്ങളെന്നോടു പറഞ്ഞുകൊണ്ടേയിരുന്നു. അതോടെ കൂടുതല്‍ ശക്തിയാര്‍ജിച്ച് ഞാന്‍ ജീവിക്കാന്‍ തുടങ്ങി എന്നാണ് അമൃതയുടെ കുറിപ്പ്.
