സോഷ്യല്‍ മീഡിയയില്‍ വൈറലായി ഗായിക അമൃത സുരേഷിന്റെ വീഡിയോ. കായലരികത്തു നിന്ന് വലയെറിയുന്നതിന്റെ രസകരമായ വിഡിയോ ആണ് ഗായിക പോസ്റ്റ് ചെയ്തത്. ‘ചെമ്മീന്‍’ എന്ന ചിത്രത്തിലെ ‘പുത്തന്‍ വലക്കാരേ പുന്നപ്പറക്കാരേ’ എന്ന ഗാനശകലങ്ങള്‍ പശ്ചാത്തലത്തില്‍ ഉള്‍പ്പെടുത്തിക്കൊണ്ടാണ് അമൃത വിഡിയോ എടുത്തിരിക്കുന്നത്.
View this post on Instagram
എല്ലാവര്‍ക്കും കേരളപ്പിറവി ആശംസകള്‍ നേര്‍ന്നു കൊണ്ടാണ് അമൃത സുരേഷ് മനോഹരമായ വിഡിയോ ആരാധകര്‍ക്കായി പങ്കുവച്ചത്.
കൂളിങ് ഗ്ലാസ് വച്ച് മോഡേണായാണ് അമൃത വിഡിയോയില്‍ പ്രത്യക്ഷപ്പെടുന്നത്. അടുത്തു നില്‍ക്കുന്നയാള്‍ നല്‍കുന്ന നിര്‍ദ്ദേശങ്ങള്‍ക്കനുസരിച്ച് ശ്രദ്ധാപൂര്‍വം വലയെറിയുന്ന അമൃതയാണ് വിഡിയോയില്‍.
ഇതിനോടകം നിരവധി പേരാണ് അമൃതയുടെ ഈ വ്യത്യസ്തമായ വിഡിയോ കണ്ടത്. രസകരമായ പ്രതികരണങ്ങളും ലഭിക്കുന്നു. സമൂഹമാധ്യമങ്ങളില്‍ സജീവമായ അമൃത സുരേഷ് പങ്കുവയ്ക്കുന്ന വിഡിയോകള്‍ ആരാധകര്‍ ഏറ്റെടുക്കാറുണ്ട്.
