നവാഗതനായ ഗിരീഷ് എ ഡി സംവിധാനം ചെയ്ത ചിത്രമാണ് തണ്ണീർ മത്തൻ ദിനങ്ങൾ.കുമ്പളങ്ങി നൈറ്റ്‌സ് ഫെയിം മാത്യു തോമസ്,ഉദാഹരണം സുജാത ഫെയിം അനശ്വര രാജൻ,വിനീത് ശ്രീനിവാസൻ എന്നിവരാണ് ചിത്രത്തിൽ പ്രധാന കഥാപാത്രങ്ങളെ അവതരിപ്പിച്ചത്. മുഴുനീള കോമഡി ചിത്രമായി ഒരുക്കിയ തണ്ണീർ മത്തൻ ദിനങ്ങൾ ബ്രഹ്മാണ്ഡ ഹിറ്റിലേക്ക് ആണ് നീങ്ങുന്നത്.
ഇതിനിടെ ചിത്രത്തിലെ നായിക അനശ്വര രാജൻ തന്റെ പ്രിയതാരം ദുൽഖർ സൽമാനെ നേരിട്ട് കാണാൻ സാധിച്ചതിന്റെ സന്തോഷം ഇപ്പോൾ പങ്ക് വെച്ചിരിക്കുകയാണ്.റെഡ് എഫ് എം മ്യൂസിക് അവാർഡ് വേദിയിൽ വെച്ചാണ് കുഞ്ഞിക്കയെ അനശ്വര കണ്ടുമുട്ടിയത്.
”എനിക്ക് ഇപ്പോഴും വിശ്വസിക്കാനാവുന്നില്ല. ഈ മനുഷ്യനെ ഞാന്‍ കണ്ടുമുട്ടിയിരിക്കുന്നു! കഴിഞ്ഞ മൂന്ന് വര്‍ഷമായി കൊണ്ടുനടന്നിരുന്ന സ്വപ്നം യാഥാര്‍ഥ്യമായിരിക്കുന്നു!”, അനശ്വര ഫെയ്സ്ബുക്കില്‍ കുറിച്ചു.
