ഏറെ നിരൂപക പ്രശംസ നേടിയ വെട്രിമാരന്‍ സംവിധാനം ചെയ്ത ചിത്രമായിരുന്നു വടചെന്നൈ. ബോക്‌സ് ഓഫീസില്‍ ഹിറ്റ് തീര്‍ത്ത ചിത്രത്തിലെ ഒരു പ്രധാന കഥാപാത്രത്തെ അവതരിപ്പിച്ചത് നടി ആന്‍ഡ്രിയ ജെര്‍മിയ ആയിരുന്നു. ഇപ്പോഴിതാ ഒരു അഭിമുഖത്തില്‍ താന്‍ അഭിനയിച്ച ചിത്രങ്ങളില്‍ വച്ച് ഏറ്റവും മോശപ്പെട്ടതെന്ന് തോന്നിയതും വേണ്ടായിരുന്നു എന്നും പിന്നീട് മനസ്സിലാക്കിയതും ആയ ചിത്രം ഏതാണെന്ന് വെളിപ്പെടുത്തിയിരിക്കുകയാണ് താരമിപ്പോള്‍.
വടചെന്നൈയിലെ കിടപ്പറ രംഗങ്ങള്‍ ഒഴിവാക്കാമെന്നു തോന്നിയെന്നും ആ ചിത്രത്തില്‍ അഭിനയിച്ചതില്‍ ഇപ്പോള്‍ ദുംഖിക്കുന്നുവെന്നും താരം പറഞ്ഞു. ചിത്രത്തിലെ ചന്ദ്ര എന്ന കഥാപാത്രത്തെയാണ് ആന്‍ഡ്രിയ അവതരിപ്പിച്ചിരുന്നത്. സംവിധായകനും നടനുമായ അമീര്‍ ആയിരുന്നു താരത്തിന്റെ ഭര്‍ത്താവായി വടചെന്നൈ വേഷമിട്ടത്. ചിത്രത്തില്‍ ഇരുവരും ഒന്നിച്ചുള്ള ഇന്റിമേറ്റ് രംഗങ്ങള്‍ നിരവധി ഉണ്ടായിരുന്നു. ചിത്രം സൂപ്പര്‍ ഹിറ്റ് ആയതോടു കൂടി തന്നെ സംവിധായകര്‍ സമീപിച്ചത് അത്തരത്തിലുള്ള റോളുകള്‍ക്ക് വേണ്ടി മാത്രമായിരുന്നു. പലചിത്രങ്ങളിലും ഇഴുകി ച്ചേര്‍ന്ന് അഭിനയിക്കുന്ന രംഗങ്ങള്‍ ഉണ്ടെങ്കില്‍ സംവിധായകര്‍ അതിനായി തന്നെ സമീപിക്കാറുണ്ട് എന്നും താരം വ്യക്തമാക്കി. പക്ഷേ അത്തരത്തിലുള്ള കഥാപാത്രങ്ങള്‍ ഇനി ചെയ്യുകയില്ലെന്നും , മടുപ്പ് തോന്നി തുടങ്ങി എന്നും താരം പറഞ്ഞു.
