മലയാള സിനിമയിലെ ആദ്യ ട്രാൻസ്ജെൻഡർ നായിക എന്ന ബഹുമതിക്ക് ഉടമയാണ് അഞ്ജലി അമീർ. ഈയടുത്ത് ബിഗ് ബോസിലും താരം മുഖം കാണിച്ചിരുന്നു. മമ്മൂട്ടി നായകനായ തമിഴ് ചിത്രം പേരൻപിൽ ഗംഭീര പ്രകടനമാണ് അഞ്ജലി അമീർ കാഴ്ചവെച്ചത്. കഴിഞ്ഞ കുറച്ചു ദിവസങ്ങളായി പൃഥ്വിരാജിന്റെ ഒരു ഫോട്ടോക്ക് ലഭിച്ചു കൊണ്ടിരിക്കുന്ന മോശമായ രീതിയിലുള്ള സമീപനങ്ങൾക്ക് എതിരെ ശബ്ദമുയർത്തിയിരിക്കുകയാണ് അഞ്ജലി ഇപ്പോൾ. രെഹ്ന ഫാത്തിമ പെയിന്റ് ചെയ്‌ത മാറിടം പുറത്തുകാണിച്ചപ്പോൾ സദാചാരബോധം ഉണർന്നവർ എന്തുകൊണ്ടാണ് പൃഥ്വിരാജിന്റെ മുലക്കണ്ണ് കാണിച്ചുള്ള ചിത്രം കണ്ടപ്പോൾ കേസ് കൊടുക്കാത്തത് എന്നാണ് വിമർശനം. രാജു ചേട്ടൻ ഒരു സെലിബ്രറ്റിയും ഇത്രയും ഭംഗിയുള്ള ശരീരവും ഉള്ളതുമാണോ ഈ കുരുക്കൾക്കു കാരണമെന്നാണ് അഞ്ജലി ചോദിക്കുന്നത്.
എന്റെ നാട്ടിലേ ആണുങ്ങൾ ഒക്കെ മുണ്ടുടുത്തു ഷർട്ട് ഇടാതെ നടന്നു കണ്ടിട്ടുണ്ട്. പക്ഷെ ഞങ്ങളുടെ നാട്ടിലെ സ്ത്രീകളാരും എനിക്ക് ഓർമ്മ വെച്ച കാലം തൊട്ടു മേല് വസ്ത്രം ഇടാതെ കാണാത്തതു കൊണ്ടു ഇതൊരു തെറ്റായി എനിക്ക് തോന്നുന്നില്ല. പിന്നെ രാജു ചേട്ടൻ ഒരു സെലിബ്രറ്റിയും ഇത്രയും ഭംഗിയുള്ള ശരീരവും ഉള്ളതുമാണോ ഈ കുരുക്കൾക്കു കാരണം. ഐ ആം വിത്ത് പൃഥ്വിരാജ് സുകുമാരൻ. എന്തു രസാല്ലേ ഈ ഫോട്ടോ. പിന്നെ അവനവന്റ വസ്ത്രസ്വാതന്ത്രവും മറ്റും അഘോരമാത്രം പ്രസംഗിക്കുന്നവർ എന്തിനാണാവോ ഇത്ര തിളക്കുന്നതു.
