ചുരുങ്ങിയ നാളുകൾ കൊണ്ട് കരിക്ക് വെബ് സീരിയസ് മലയാളികൾക്കിടയിൽ ഉണ്ടാക്കിയ ഓളം ചെറുതല്ല. ക്വാളിറ്റിയുള്ള കോമഡി രംഗങ്ങളും മികവുറ്റ അഭിനയ പ്രകടനവും കരിക്കിനെ മറ്റു വെബ്സീരിയസുകളിൽ നിന്നും വ്യത്യസ്തമാക്കുന്നു. ചുരുങ്ങിയ വീഡിയോകളിലൂടെ തന്നെ ഒരു വലിയ ആരാധകവൃന്ദത്തെ സ്വന്തമാക്കുവാൻ ഇതിലെ താരങ്ങൾക്കും അണിയറപ്രവർത്തകർക്കും സാധിച്ചിട്ടുണ്ട്. ഇതിൽ തന്നെ ഏറ്റവും കൂടുതൽ ആരാധകർ ഉള്ള രണ്ടു കഥാപാത്രങ്ങളാണ് ജോർജും ലോലനും. സ്വതസിദ്ധമായ ശൈലിയിൽ കോമഡി അതിന് ഏറ്റവും വലിയ തന്മയ ഭാവത്തോടുകൂടി അവതരിപ്പിക്കാൻ സാധിക്കുന്നു എന്നത് തന്നെയാണ് ഇരുവരെയും വ്യത്യസ്തരാക്കുന്നത്.
കായംകുളം സ്വദേശിയായ അനു കെ അനിയൻ എന്ന വ്യക്തിയാണ് ജോർജ് എന്ന കഥാപാത്രത്തെ അവതരിപ്പിക്കുന്നത്. ഇതിനോടകം വ്യത്യസ്തമായ നിരവധി കഥാപാത്രങ്ങൾ കരിക്ക് സീരിയലിലൂടെ അനു അവതരിപ്പിച്ചുകഴിഞ്ഞു .ഇന്നലെ പുറത്തിറങ്ങിയ കരിക്കിന്റെ ഏറ്റവും പുതിയ വീഡിയോയിൽ ഒരു ബംഗാളിയുടെ വേഷത്തിലാണ് അനു എത്തുന്നത് .ഇതിനോടകം വൃദ്ധനായും യുവാവായും സ്കൂൾ പയ്യൻ ആയും ഒക്കെ അഭിനയിക്കുവാൻ ഇനി അനുഗ്രഹീത കലാകാരന് സാധിച്ചിട്ടുണ്ട്. ഏതു റോളും ഇവിടെ ഭദ്രം ആകുമെന്നാണ് പ്രേക്ഷകർ പറയുന്നത്. ഇതിനിടെ സിനിമയിലും മുഖം കാണിച്ചു അനു കെ അനിയൻ .മിഥുൻ മാനുവൽ സംവിധാനം ചെയ്ത അർജൻറീന ഫാൻസ് കാട്ടൂർകടവിൽ ഒരു മികച്ച വേഷം ചെയ്യുവാൻ ഈ അനുഗ്രഹീത കലാകാരന് സാധിച്ചു.
