വളരെ ചുരുങ്ങിയ കാലം കൊണ്ട് നിരവധി നായികവേഷങ്ങൾ കൈകാര്യം ചെയ്ത് മലയാളിയുടെ മനസ്സിൽ ചേക്കേറിയ താരമാണ് അനു സിതാര. 2013 ൽ സുരേഷ് അച്ചൂസ് സംവിധാനം ചെയ്ത പൊട്ടാസ് ബോംബ് എന്ന ചിത്രത്തിലൂടെ അഭിനയരംഗത്തേക്ക് കടന്നുവന്ന താരമാണ് അനു. ലോക്ക് ഡൗൺ കാലത്ത് അനുസിത്താര ഒരു യൂട്യൂബ് ചാനൽ ആരംഭിച്ചിരുന്നു.
ചാനലിലൂടെ പങ്കുവെച്ച ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. തന്റെ വീട്ടുമുറ്റത്തെ കുളവും തന്റെ പൂന്തോട്ടവും എല്ലാം ആരാധകർക്ക് പരിചയപ്പെടുത്തിക്കൊണ്ട് താരം ഒരു വീഡിയോ ചെയ്തിരുന്നു. താരത്തിന്റെ ഭർത്താവായ വിഷ്ണു തന്നെയാണ് ഫോൺ ക്യാമറയിൽ ഇത് ഷൂട്ട് ചെയ്തത്. അമ്പഴങ്ങ, പേരയ്ക്ക, റമ്പൂട്ടാൻ, ചെറുനാരങ്ങ, ബ്രസീലിയൻ സപ്പോട്ട, പുളി പേരക്ക, ചാമ്പയ്ക്ക, തണ്ണിമത്തൻ.. ഇങ്ങനെ നീളുന്നു ഏദൻതോട്ടത്തിലെ പഴങ്ങൾ. ഇതുകൂടാതെ വീഡിയോയുടെ അവസാനം തന്റെ വീട്ടിൽ ഉള്ള മറ്റൊരു സാധനവും അനുസിത്താര പരിചയപ്പെടുത്തുന്നുണ്ട്.
ഭർത്താവ് വാങ്ങിച്ച എയർഗൺ സ്വന്തമായി ലോഡ് ചെയ്യുവാൻ നോക്കുകയാണ് അനു. എന്നാൽ അനു അത് ചെയ്തിട്ട് ശരിയാകുന്നില്ല. അങ്ങനെ അത് ശരിയാവാതെ അവസാനം അത് വിഷ്ണുവിനെ തന്നെ തിരികെ ഏൽപ്പിക്കുന്നതും വീഡിയോയിൽ കാണുവാൻ സാധിക്കും. പിന്നീട് വിഷ്ണു ലോഡ് ചെയ്തു നൽകിയ തോക്കിൽ വെടിയുതുർക്കുന്ന അനുസിത്താരയെ കാണിച്ച് കൊണ്ടാണ് വീഡിയോ അവസാനിപ്പിക്കുന്നത്. അനുവിന്റെയും ഭർത്താവ് വിഷ്ണുവിന്റെയും ഈ വീഡിയോ ആരാധകർ ഏറ്റെടുത്തിരിക്കുകയാണ്.
