നവവധുവായി അണിഞ്ഞൊരുങ്ങി സ്റ്റാര്‍ മാജിക് താരം അനുമോള്‍. ചിത്രങ്ങള്‍ സോഷ്യല്‍ മീഡിയയില്‍ വൈറലാണ്. തങ്കച്ചനും അനുമോളും പ്രണയത്തില്‍ ആണെന്നും ഇരുവരും വിവാഹിതരാകാന്‍ പോകുന്നു എന്നും ഒക്കെ ഗോസിപ്പുകള്‍ വന്നിരുന്നു. എന്നാല്‍ അതെല്ലാം തള്ളിക്കളഞ്ഞുകൊണ്ട് രണ്ട് പേരും രംഗത്തെത്തിയിരുന്നു. തങ്ങള്‍ അടുത്ത സുഹൃത്തുക്കള്‍ മാത്രമാണെന്നും മറ്റൊരു അടുപ്പവുമില്ലെന്നും ഇരുവരും വ്യക്തമാക്കി.
എന്തായാലും അനുമോളുടെ വിവാഹ വാര്‍ത്തയറിഞ്ഞ് എല്ലാവരും അമ്പരന്നിരിക്കുകയാണ്. വിവാഹത്തെ കുറിച്ച് ഒരു സൂചന പോലും അനു തന്നിരുന്നില്ല. ഒടുവില്‍ സോഷ്യല്‍ മീഡിയയുടെയും ആരാധകരുടെയും അന്വേഷണം ചെന്നെത്തിയത് ഒരു ഫോട്ടോഷൂട്ടിലാണ്. താജ് വെഡിങ് സെന്ററിന് വേണ്ടി നടത്തിയ ഒരു ഫോട്ടോഷൂട്ട് ചിത്രങ്ങള്‍ ആയിരുന്നു അത്. അനുമോള്‍ തന്നെയാണ് ഈ ചിത്രങ്ങള്‍ തന്റെ സോഷ്യല്‍ മീഡിയ അകൗണ്ടിലൂടെ പുറത്തു വിട്ടത്. ഹിന്ദു വധുവായും മുസ്ലിം വധുവായും ക്രിസ്ത്യന്‍ വധുവായും വേഷമിട്ട ചിത്രങ്ങളും താരം പങ്കു വെച്ചിട്ടുണ്ട്.
ഫ്ളവേഴ്സ് ടീവിയില്‍ സംപ്രേഷണം ചെയ്യുന്ന സ്റ്റാര്‍ മാജിക്ക് മിനി സ്‌ക്രീന്‍ പ്രേക്ഷകരുടെ മനം കവര്‍ന്ന് റേറ്റിങ്ങില്‍ ഒന്നാമതായി മുന്നേറുകയാണ്. സ്റ്റാര്‍ മാജിക്കിലൂടെ നിരവധി താരങ്ങളെ പ്രേക്ഷകര്‍ക്ക് പരിചയപ്പെടുത്തിയിട്ടുണ്ട്. ലക്ഷ്മി നക്ഷത്ര അവതാരകയായ പരിപാടിയില്‍ കോമഡി താരങ്ങളെയും സീരിയല്‍ താരങ്ങളെയും ഒക്കെ ഉള്‍പ്പെടുത്തി രസകരമായ ഗെയിമുകള്‍ നടത്തും. തങ്കച്ചന്‍ , അനുമോള്‍, നോബി, നെല്‍സണ്‍, ഐശ്വര്യ, മൃദുല വിജയ്, യുവകൃഷ്ണ, ശ്രീവിദ്യ, ബിനു അടിമാലി, അസീസ്, മാന്‍വി, ഷിയാസ് കരീം തുടങ്ങിയവരെല്ലാം പരിപാടിയിലുണ്ട്.
