സോഷ്യല്‍ മീഡിയയില്‍ വൈറലായി നടി അനുസിത്താരയുടെ പുതിയ നൃത്ത വിഡിയോ. താരം തന്നെയാണ് വീഡിയോ സമൂഹമാധ്യമങ്ങളില്‍ പങ്കുവച്ചത്. ചുരുങ്ങിയ സമയം കൊണ്ടാണ് വീഡിയോ വൈറലായത്. ‘കാതല്‍ കഥകളി’ എന്ന ഹിറ്റ് പാട്ടിനൊപ്പമാണ് അനു സിത്താര ചുവടു വെച്ചത്.
വിഡിയോയ്ക്ക് താഴെ മുന്ന സൈമണ്‍, സൗമ്യ മേനോന്‍, ശിവദ തുടങ്ങി നിരവധി പ്രമുഖരാണ് കമന്റുകളുമായെത്തിയത്. മികച്ച പ്രതികരണങ്ങളാണ് ആരാധകരില്‍ നിന്നും ലഭിക്കുന്നത്. ഏതാനും ദിവസങ്ങള്‍ക്കു മുന്‍പ് അനു പങ്കുവച്ച ഡാന്‍സ് വിഡിയോയും ശ്രദ്ധിക്കപ്പെട്ടിരുന്നു. സാരി ധരിച്ചാണ് താരം വിഡിയോയില്‍ പ്രത്യക്ഷപ്പെട്ടത്.
സോഷ്യല്‍ മീഡിയയില്‍ താരം പങ്കു വെക്കുന്ന വിഡിയോയെല്ലാം ആരാധകര്‍ ഏറ്റെടുക്കാറുണ്ട്. നേരത്തെ നിമിഷ സജയനൊപ്പം അവതരിപ്പിച്ച നൃത്തവും ആരാധകര്‍ ഏറ്റെടുത്തിരുന്നു. അനിയത്തി അനു സോനാരയ്‌ക്കൊപ്പമുള്ള നൃത്തവും പാട്ടുമൊക്കെ അനു സിത്താര ആരാധകരുമായി പങ്കുവെക്കാറുണ്ട്.
View this post on Instagram
