റിയാലിറ്റി ഷോയിലൂടെ മത്സരാര്‍ത്ഥിയായി വന്ന് മലയാള സിനിമയിലെ യുവനടിമാരില്‍ മുന്‍ നിരയിലെത്തിയ നടിയാണ് അനുശ്രീ. താരത്തിന്റെ ആദ്യ ചിത്രം ഡയമണ്ട് നെക്ലേസ് ആയിരുന്നു. പിന്നീട് മലയാളത്തിലെ യുവനടന്‍മാര്‍ക്കൊപ്പമെല്ലാം നടി വേഷമിട്ടു. ഈ ലോക്ഡൗണ്‍ കാലത്ത് സോഷ്യല്‍ മീഡിയയില്‍ വളരെ സജീവമായ താരം പങ്കുവച്ച ഫോട്ടോഷൂട്ടുകളെല്ലാം ആരാധകര്‍ ഏറ്റെടുത്തിരുന്നു. ഇപ്പോൾ ഇൻസ്റ്റാഗ്രാമിൽ ആരാധകൻ ചോദിച്ച ഒരു ചോദ്യത്തിന് നടി നൽകിയ മറുപടി ശ്രദ്ധേയമാകുകയാണ്. അഭിനേത്രി ആയില്ലായിരുന്നെങ്കിൽ എന്ത് ജോലി തിരഞ്ഞെടുക്കുമായിരുന്നു എന്ന ചോദ്യത്തിന് സൂപ്പർ മാർക്കറ്റിൽ സെയിൽസ് ഗേളായേനെ എന്ന രസകരമായ ഉത്തരമാണ് നടി നൽകിയിരിക്കുന്നത്. നടിയുടേതായി അവസാനം തീയറ്ററുകളിൽ എത്തിയ മഞ്ജു വാര്യർ ചിത്രം പ്രതി പൂവൻകോഴിയിൽ നടി ഒരു സെയിൽസ് ഗേളായിട്ടാണ് അഭിനയിച്ചത്. 
