ലാല്‍ ജോസ് സംവിധാനം ചെയ്ത ഡയമണ്ട് നെക്ലേസ് എന്ന ചിത്രത്തിലൂടെ പ്രേക്ഷകര്‍ക്ക് ലഭിച്ച പ്രിയ താരമാണ് അനുശ്രീ. വളരെ ചുരുങ്ങിയ സമയം കൊണ്ട് മലയാളത്തിലെ സൂപ്പര്‍സ്റ്റാറുകളുടെ എല്ലാം നായികയെ താരം തിളങ്ങിയിട്ടുണ്ട്. റിയാലിറ്റിഷോയിലൂടെ മലയാള സിനിമയിലേക്കെത്തിയ നായികമാര്‍ നിരവധിയാണ്. പക്ഷേ എല്ലാവര്‍ക്കും മുന്‍നിര നായികമാരെ പോലെ ശോഭിക്കാന്‍ അത്രക്കങ്ങ് സാധിച്ചിട്ടില്ല. പക്ഷേ രാജശ്രീ എന്ന കഥാപാത്രത്തെ അവതരിപ്പിച്ച് അരുണേട്ടാ എന്ന വിളിയിലൂടെ മലയാളികളുടെ മനസ്സില്‍ കയറിക്കൂടിയ താരമാണ് അനുശ്രീ. ഡയമണ്ട് നെക്ലേസ് തൊട്ട് പ്രതി പൂവൻകോഴി വരെ എത്തി നില്ക്കുകയാണ് അനുശ്രീയുടെ സിനിമാ ജീവിതം.
സോഷ്യല്‍ മീഡിയയില്‍ വളരെ സജീവമായ അനുശ്രീയുടെ ഏറ്റവും പുതിയ പോസ്റ്റ് ആരാധകര്‍ ഇപ്പോള്‍ ഏറ്റെടുത്തിരിക്കുകയാണ്. പുതിയ ഫോട്ടോഷൂട്ടാണ് താരം പങ്ക് വെച്ചിരിക്കുന്നത്. സിനിമയിൽ എത്തിയതിന്റെ എട്ടാം വർഷത്തിലാണ് പുതിയ ഫോട്ടോഷൂട്ട് അനുശ്രീ പങ്ക് വെച്ചിരിക്കുന്നത്. സ്വന്തം സ്വത്വത്തെ വെളിപ്പെടുത്താനും സ്റ്റീരിയോടൈപ്പിൽ നിന്നുമുള്ള മോചനവും എന്ന് പറഞ്ഞാണ് പുതിയ ഫോട്ടോഷൂട്ട് മലയാളത്തിന്റെ ശ്രീത്വം നിറഞ്ഞ അനുശ്രീ പങ്ക് വെച്ചിരിക്കുന്നത്.
