മലയാള സിനിമയിൽ രണ്ട് തൂണുകളായി എക്കാലവും നിലനിൽക്കുന്ന താരങ്ങളാണ് മമ്മൂക്കയും ലാലേട്ടനും. മികച്ച കഥാപാത്രങ്ങളിലൂടെ മലയാള സിനിമ പ്രേക്ഷകരുടെ മനസ്സിൽ സ്ഥാനം നേടിയെടുത്തത്, മലയാള സിനിമയിലെ സിംഹാസനം ഊട്ടി ഉറപ്പിക്കാൻ ഇരുവർക്കും സാധിച്ചിരുന്നു. അതിനാൽ തന്നെ ഇരുവരുടെയും സിനിമ സെറ്റുകളിൽ എന്നും നിരവധി ആരാധകരാണ് തങ്ങളുടെ പ്രിയ താരങ്ങളെ കാണുവാൻ എത്താറുള്ളത്. പ്രിയ താരങ്ങളോടൊപ്പം ഫോട്ടോ എടുക്കുവാനും ആരാധകർക്ക് അവസരം ലഭിക്കാറുണ്ട്.
ഇങ്ങനെയുള്ള സെറ്റുകളിൽ ആരാധകരെ നിയന്ത്രിക്കുവാനായി പ്രത്യേക സജ്ജീകരണങ്ങൾ ഒരുക്കാറുണ്ട്. ഇപ്പോൾ ആർട്ടിസ്റ്റ് സെക്യൂരിറ്റി ആയി ജോലി ചെയ്യുന്ന മാറനെല്ലൂർ ദാസ് ഇതിനെ കുറിച്ച് മനസ്സ് തുറക്കുകയാണ്. മമ്മൂട്ടിയുടെ ചിത്രത്തിന്റെ സെറ്റിൽ പത്തോളം വരുന്ന സെക്യൂരിറ്റികളാണ് ആരാധകരെ നിയന്ത്രിക്കാനായി നിയോഗികാറുള്ളത്. എന്നാൽ മോഹൻലാലിന്റെ ചിത്രങ്ങളുടെ സെറ്റിൽ ഇതിന്റെ ഇരട്ടി വേണ്ടി വരുമെന്നാണ് അദ്ദേഹം പറയുന്നത്. ഇരുപതിന് മുകളിൽ സെക്യൂരിറ്റികൾ ഉണ്ടായാൽ മാത്രമേ ആരാധകരെ മോഹൻലാലിന്റെ ലൊക്കേഷനിൽ നിയന്ത്രിക്കാൻ സാധിക്കൂ എന്നും അദ്ദേഹം പറയുന്നു.
