മോഹൻലാൽ അവതാരകനായ മലയാളം ബിഗ് ബോസ്സിന്റെ രണ്ടാം സീസൺ രണ്ടാം വാരത്തിലേക്ക് കടന്നതോടെ പ്രോഗ്രാം കൂടുതൽ ശ്രദ്ധ നേടിയിരിക്കുകയാണ്. എലിമിനേഷൻ നോമിനേഷൻ വന്നതോട് കൂടി ഓരോരുത്തരെ കുറിച്ചുള്ള കുറ്റങ്ങളും കുറവുകളും ചർച്ച ചെയ്‌ത്‌ തുടങ്ങി. പരസ്യമായും രഹസ്യമായുള്ള ചര്‍ച്ചകളും അരങ്ങേറുന്നുണ്ട്. കാര്യങ്ങളിലൊന്നും പങ്കെടുക്കാതെ മാറിനില്‍ക്കുന്നവരെക്കുറിച്ചും അനാവശ്യ വഴക്കുകളുണ്ടാവുന്നവരെക്കുറിച്ചും ചിലരുടെ പെരുമാറ്റം ശരിയല്ലെന്നുമൊക്കെയുള്ള കാരണങ്ങളാണ് നോമിനേഷനില്‍ മത്സരാര്‍ത്ഥികള്‍ ബിഗ് ബോസിന് മുന്നില്‍ നിരത്തിയത്. അവതാരകയായി പ്രേക്ഷകർക്ക് പരിചിതയായ അലീനയെ കുറിച്ച് ആര്യ പറഞ്ഞ വാക്കുകളാണ് ഇപ്പോൾ ശ്രദ്ധ നേടിയിരിക്കുന്നത്.
അവതാരകയായ എലീന പടിക്കലിനെക്കുറിച്ച്‌ പലരും രഹസ്യമായി കുറ്റം പറയുന്നുണ്ട്. കഴിഞ്ഞ ദിവസം ആര്യയും സംഘവും ഇതേക്കുറിച്ച്‌ ചര്‍ച്ച ചെയ്തിരുന്നു. ഗെയിമിന് ശേഷമായിരുന്നു വീണയും രേഷ്മ രാജനും സുജോ മാത്യുവും പരീക്കുട്ടിയും ആര്യയും എലീനയെക്കുറിച്ച്‌ സംസാരിച്ചത്. എലീനയെ തനിക്ക് പണ്ടേ അറിയാമെന്നും അവളുടെ ക്യാരക്ടറിനെക്കുറിച്ചും പറഞ്ഞായിരുന്നു ആര്യ തുടങ്ങിയത്. ഓവര്‍ സ്മാര്‍ട്ടും ഹൈപ്പര്‍ ആക്റ്റീവുമാണ്. ബുദ്ധിപരമായാണ് സംസാരിക്കുന്നതെന്നാണ് എലീനയുടെ ധാരണ. എന്നാല്‍ പുറത്തുവരുന്നതെല്ലാം ബ്ലണ്ടറാണ്.
എലീനയെക്കുറിച്ച്‌ ആര്യ പറയുമ്പോള്‍ മറ്റുള്ളവരും ഇത് ശരിവെക്കുകയായിരുന്നു. നേരത്തെ ഫുക്രുവും എലീനയെക്കുറിച്ച്‌ സംസാരിച്ചിരുന്നു. പറയുന്നതെല്ലാം മണ്ടത്തരമായതിനാൽ അവൾക്ക് നിരന്തരം ട്രോളുകൾ വരികയും അതാണ് അവളെ ബിഗ് ബോസിലേക്ക് എടുത്തതെന്നായിരുന്നു ആര്യ പറഞ്ഞത്. ട്രോളര്‍മാരുടെ പ്രിയതാരങ്ങളിലൊരാളാണ് എലീന. എലീനയുടെ അഭിമുഖം വന്നതിന് പിന്നാലെയായി തന്നെ ട്രോളുകളും പ്രചരിക്കാറുണ്ട്. ബിഗ് ബോസിലേക്ക് എലീനയെത്തിയതിന് പിന്നിലെ കാരണം ട്രോളുകളെന്നാണ് ആര്യയുടെ കണ്ടെത്തല്‍.
