മോഹൻലാൽ അവതാരകനായി എത്തിയ ബിഗ് ബോസ് സീസൺ 2 വിലെ ശക്തയായ ഒരു മത്സരാർത്ഥി ആയിരുന്നു ആര്യ. ഇപ്പോൾ മകൾ റോയക്ക് ഒപ്പമുള്ള ചിത്രം പങ്കുവെച്ച് തങ്ങൾ സുരക്ഷിതരാണെന്ന് അറിയിക്കുകയാണ് ആര്യ. ആരൃക്കെതിരെ ചീത്തവിളി നടത്തുന്ന ആരാധകരോട് ഒരു കുറിപ്പിലൂടെ തനിക്ക് പറയാനുള്ള കാര്യങ്ങൾ അറിയിക്കുകയാണ് താരം. റിയാലിറ്റി ഷോയിൽ നിന്നും പുറത്തിറങ്ങിയത് മുതൽ ആര്യക്ക് നിരവധി സൈബർ ആക്രമണങ്ങളാണ് നേരിടേണ്ടിവന്നത്.
ആര്യയുടെ കുറിപ്പ്:
എന്റെയും എന്റെ മകളുടെയും വിവരങ്ങൾ അന്വേഷിച്ച എല്ലാവരോടുമായിയാണ് ഈ കുറിപ്പ്. ഞാനും എന്റെ മകളും നന്നായിരിക്കുന്നു. ഞങ്ങള്‍ വീടിനുള്ളില്‍ തന്നെയാണ്. കഴിഞ്ഞ ഒരാഴ്ച്ചയായി കൊറോണയ്ക്കെതിരേയുള്ള ഞങ്ങളുടെ പോരാട്ടത്തിന്റെ ദിനങ്ങള്‍ ഒന്നിച്ചാഘോഷിക്കുകയാണ്. ഈ സമയവും കടന്നു പോകും. ഇതിനെ നമുക്ക് ഒന്നിച്ച് നേരിടാം. സുരക്ഷിതരായിരിക്കൂ…വീട്ടില്‍ തന്നെയിരിക്കൂ..കഷ്ടപ്പെടുന്നവര്‍ക്കായി പ്രാര്‍ഥിക്കൂ.. എല്ലാ വിരോധികളോടുമായി…ദയവായി അപഹസിക്കുന്നതോ, ചീത്ത വിളിക്കുന്നതോ ആയ കമന്റുകള്‍ ഈ പോസ്റ്റില്‍ ഇടരുത്..ഇതില്‍ എന്റെ മകളുണ്ട്. എന്റെ ഇന്‍ബോക്സില്‍ കയറി നിങ്ങള്‍ക്കെന്നെ ചീത്ത വിളിക്കാം. എല്ലാ വിമര്‍ശനങ്ങളും ഇവിടെ സ്വീകരിക്കപ്പെടും…നന്ദി
