Malayalam

    സ്ലീവാച്ചനേയും കെട്ട്യോളേയും ഏറ്റെടുത്ത് പ്രേക്ഷകർ; ചിത്രത്തിന് മികച്ച റിപ്പോർട്ടുകൾ

    webadminBy No Comments2 Mins Read
    Asif Ali's Kettyolaanente Malakha gets positive reports

    ആസിഫ് അലി, വീണ നന്ദകുമാർ എന്നിവരെ കേന്ദ്ര കഥാപാത്രങ്ങളാക്കി നവാഗതനായ നിസാം ബഷീർ ഒരുക്കിയ കെട്ട്യോളാണ് എന്റെ മാലാഖക്ക് എങ്ങും മികച്ച റിപ്പോർട്ടുകൾ. വിവാഹത്തെ കുറിച്ച് ചിന്തിക്കുക പോലും ചെയ്തിട്ടില്ലാത്ത സ്ലീവാച്ചൻ വിവാഹം കഴിക്കുന്നതും പിന്നീടുള്ള വിവാഹ ജീവിതത്തിൽ എന്തെല്ലാം സംഭവിക്കുന്നു എന്നതെല്ലാമാണ് ചിത്രത്തിന്റെ ഇതിവൃത്തം. ആസിഫ് അലിയുടെ ഈ അടുത്ത കണ്ട ഏറ്റവും മികച്ച കഥാപാത്രങ്ങളിൽ ഒന്ന് തന്നെയാണ് ചിത്രമെന്നാണ് പരക്കെയുള്ള അഭിപ്രായം.


    സിനിമയെക്കുറിച്ച് ആസിഫ് അടുത്തിടെ ‘എങ്കിലേ എന്നോടു പറ’ എന്ന പരിപാടിയിൽ മനസ്സ് തുറന്നിരുന്നു. ദാമ്പത്യത്തിൽ ആളുകൾ പുറത്തു പറയാൻ നാണിക്കുന്ന പല വിഷയങ്ങളും ചർച്ച ചെയ്യുന്ന ഒരു ചിത്രമാണിത്. വളരെ കമേഴ്ഷ്യലായി ഒട്ടും വൾഗറല്ലാതെ ഇത്തരം കാര്യങ്ങൾ അവതരിപ്പിച്ച ചിത്രമാണിതെന്നും താരം പറയുന്നു. ആസിഫിന്റെ കെട്ട്യോൾ മാലാഖയാണോ എന്ന അവതാരികയുടെ ചോദ്യത്തിന് തീർച്ചയായും അതെയെന്നായിരുന്നു താരത്തിന്റെ മറുപടി.

    മാജിക് ഫ്രെയിംസ് നിർമിച്ചിരിക്കുന്ന ചിത്രത്തിൽ ജാഫർ ഇടുക്കി, ബേസിൽ ജോസഫ് എന്നിവരും ഏതാനും പുതുമുഖങ്ങളും അണിനിരക്കുന്നു. അജി പീറ്റർ തങ്കമാണ് രചന നിർവഹിച്ചിരിക്കുന്നത്. വിനായക് ശശികുമാർ ആണ് ഗാനങ്ങൾ കൈകാര്യം ചെയ്തിരിക്കുന്നത്. അഭിലാഷ് എസ് ചായാഗ്രഹണവും നൗഫൽ അബ്ദുള്ള എഡിറ്റിങ്ങും നിർവഹിക്കുന്ന ചിത്രത്തിന് സംഗീതം പകരുന്നത് വില്യം ഫ്രാൻസിസാണ്. കലാസംവിധാനം ആഷിക്കും മാത്യു ജോസഫ് ചീഫ് അസോസിയേറ്റ് ഡയറക്ടറുമാണ്. ചിത്രത്തിന്റെ നിർമ്മാണ നിർവ്വഹണം നിർവ്വഹിക്കുന്നത് ബാദ്ഷയാണ്.

    Share.

    Related Posts

    Comments are closed.