പഴയ ആര്‍എക്സ് 100 ബൈക്കില്‍ നാട്ടുകാരെ അമ്പരപ്പിച്ച് റോഡിലൂടെ പോകുന്ന ആസിഫ് അലിയുടെ ചിത്രം വൈറൽ ആകുന്നു. മലയാളത്തിലെ യുവനിരയിലെ ശ്രദ്ധേയതാരം ആസിഫ് അലിയുടെ ഈരാറ്റുപേട്ടയില്‍ ചിത്രീകരണം പുരോഗമിക്കുന്ന ജിബു ജേക്കബിന്‍റെ ‘എല്ലാം ശരിയാകും’ എന്ന സിനിമയുടെ ഷൂട്ടിംഗിന്‍റെ ഭാഗമായിരുന്ന ചിത്രമാണ് ഇത്.
ആസിഫിന്റെ ഫാൻസ് പേജിലൂടെയാണ് ഈ ചിത്രം ആദ്യമായ് പുറത്ത് വന്നത്.. ആസിഫിന്റെ ബൈക്കോടിക്കല്‍ പകര്‍ത്തിക്കൊണ്ട് ചിത്രത്തിന്റെ ക്യാമറ ക്രൂ മറ്റൊരു വാഹനത്തിൽ പോകുന്നതും കാണാം.മുണ്ടും ഒരു ഫുള്‍ സ്ലീവ് ഷര്‍ട്ടും ഒരു ക്രോസ് ബാഗുമണിഞ്ഞാണ് ആസിഫ് ചിത്രത്തിലുള്ളത്.ആദ്യ രാത്രി , വെള്ളിമൂങ്ങ, മുന്തിരിവള്ളികൾ തളിർക്കുമ്പോൾ, എന്നി ചിത്രങ്ങള്‍ക്കു ശേഷം ജിബു ജേക്കബ് സംവിധാനം ചെയ്യുന്ന ചിത്രമാണ് എല്ലാം ശരിയാകും. ചിത്രത്തിൽ ആസിഫിന്റെ നായിക രജിഷ വിജയന്‍ ആണ് .
ഇതിന് മുൻപ് ആസിഫും രജിഷയും ഒരുമിച്ചഭിനയിച്ചത് ‘അനുരാഗ കരിക്കിന്‍വെള്ളം’ എന്ന ചിത്രത്തിലാണ് . പുതിയ ചിത്രത്തിന്റെ പ്രധാന ലൊക്കേഷൻ ഈരാറ്റുപേട്ടയാണ് . ഷാരിസ്, നെബിൻ, ഷാൽബിന്‍ എന്നിവര്‍ ചേര്‍ന്നാണ് ചിത്രത്തിന്റെ രചന. ചിത്രത്തിൽ സിദ്ദിഖ്, കലാഭവന്‍ ഷാജോണ്‍, സേതുലക്ഷ്മി, മഹാനദി ഫെയിം തുളസി,സുധീര്‍ കരമന, ജോണി ആന്‍റണി, ജെയിംസ് എലിയ, ജോര്‍ഡി പൂഞ്ഞാര്‍, തുടങ്ങിയവരാണ് മറ്റു പ്രധാന അഭിനേതാക്കൾ.
