സച്ചി സംവിധാനം ചെയ്ത സൂപ്പർഹിറ്റ് ചിത്രമായിരുന്നു അയ്യപ്പനും കോശിയും. പൃഥ്വിരാജ് ബിജു മേനോൻ എന്നിവരാണ് പ്രധാന വേഷത്തെ അവതരിപ്പിച്ചത്. ചിത്രത്തിൽ അയ്യപ്പനായി എത്തിയത് ബിജുമേനോനും കോശിയായി എത്തിയത് പൃഥ്വി രാജുമായിരുന്നു. ചിത്രം മറ്റു ഭാഷകളിലേക്ക് റീമേക്ക് ചെയ്യുന്നു എന്ന വാർത്ത ഇത് കഴിഞ്ഞദിവസം പ്രചരിച്ചിരുന്നു. അയ്യപ്പനും കോശിയും തെലുങ്ക് പതിപ്പിൽ സായി പല്ലവി നായികയാകുന്നു എന്ന വാർത്തയും പുറത്ത് വന്നിരുന്നു. എന്നാൽ ഐശ്വര്യ രാജേഷ് ആയിരിക്കും ചിത്രത്തില്‍ നായികയാകുകയെന്നാണ് ടോളിവുഡ് ഡോട് കോം വാര്‍ത്തയില്‍ പറയുന്നത്.
സായി പല്ലവിയെ പോലെ തന്നെ മലയാളികൾക്ക് ഏറെ ഇഷ്ടമുള്ള താരമാണ് ഐശ്വര്യ രാജേഷും. പവൻ കല്യാണ്‍ ആണ് ചിത്രത്തില്‍ ബിജു മേനോന്റെ കഥാപാത്രമായ അയ്യപ്പൻ നായരായി എത്തുക. പൃഥ്വിരാജിന്റെ കഥാപാത്രത്തില്‍ നിതിനും അഭിനയിക്കുമെന്ന് വാര്‍ത്തകളുണ്ട്. പ്രതിഫലംപോലും വാങ്ങിക്കാതെ തന്നെ സിനിമയിൽ അഭിനയിക്കുമെന്ന് താരം പറഞ്ഞതായും വാർത്തകൾ പ്രചരിച്ചിരുന്നു.
