പളുങ്ക്, ഭ്രമരം, കാണാകണ്മണി എന്നീ ചിത്രങ്ങളിലൂടെ പ്രേക്ഷകർക്ക് സുപരിചിതയായ ബാലതാരമാണ് നിവേദിത. ബാല താരങ്ങളായി സിനിമയിൽ എത്തി പിന്നീട് അഭിനയം പ്രൊഫഷൻ ആക്കിമാറ്റിയ നിരവധി നായികമാർ മലയാളത്തിൽ ഉണ്ട്. എന്നാൽ തന്റെ ഭാവി സിനിമയിലല്ല എന്ന് തിരിച്ചറിഞ്ഞ ഒരു വ്യക്തിയാണ് നിവേദിത. നിവേദിതയുടെ സഹോദരിയായ നിരഞ്ജന വിജയനും തന്മാത്ര എന്ന മോഹൻലാൽ ചിത്രത്തിലൂടെ ബാലതാരമായി നമുക്ക് മുൻപിൽ എത്തിയിട്ടുണ്ട്. നിറപറയുടെ പരസ്യങ്ങളിലൂടെ മലയാളികളുടെ മനസ്സിൽ ചേക്കേറുവാൻ നിവേദിതയ്ക്ക് സാധിച്ചു.
ഇപ്പോൾ നിവേദിത കോഴിക്കോട് എൻഐടിയിൽ എൻജിനീയറിങ് വിദ്യാർഥിനിയാണ്. തന്റെ സോഷ്യൽ മീഡിയ അക്കൗണ്ടിലൂടെ പുത്തൻ ചിത്രങ്ങൾ പുറത്ത് വിടുകയാണ് താരം. മുടിയൊക്കെ ബോയ് കട്ട് ചെയ്തു കൊണ്ടുള്ള നിവേദിതയുടെ പുത്തൻ ചിത്രങ്ങൾ ആരാധകർ ആകാംക്ഷയോടെ ഏറ്റെടുക്കുന്നത്. അബുദാബിയിൽ ജനിക്കുകയും വളരുകയും ചെയ്ത നിരഞ്ജനയും നിവേദിതയും അഞ്ചാം ക്ലാസിൽ വച്ച് സിനിമയോട് വിട പറയുകയും പിന്നീട് പഠനത്തിൽ ശ്രദ്ധ കേന്ദ്രീകരിക്കുകയും ചെയ്തു.
