സ്ത്രീകളെ കുറിച്ച് വിവാദപരമായ പരാമർശങ്ങൾ നടത്തി ശ്രദ്ധ നേടിയ രജിത് കുമാറിന്റെ ജീവിതം തന്നെ മാറ്റിമറിച്ചിരിക്കുകയാണ് ബിഗ് ബോസ് മലയാളം സീസൺ 2. സോഷ്യൽ മീഡിയയിലും സെലിബ്രിറ്റികളുടെ ഇടയിലും വമ്പൻ സപ്പോർട്ടാണ് അദ്ദേഹത്തിന് ലഭിച്ചു കൊണ്ടിരിക്കുന്നത്. ഇപ്പോഴിതാ ബിഗ് ബോസ് സീസണിലെ മത്സരാർത്ഥികളിൽ ഒരാളും അവതാരികയും നടിയുമായ പേളി മാണിയും രജിത് സാറിന് പിന്തുണയുമായി എത്തിയിരിക്കുകയാണ്. ‘നല്ല’ രീതിയിൽ മുന്നോട്ട് പോവുകയാണെങ്കിൽ രജിത് സർ തന്നെയായിരിക്കും വിജയി എന്നാണ് പേളിയുടെ അഭിപ്രായം. തന്നെ സംബന്ധിച്ചിടത്തോളം രജിത് സർ ഇപ്പോൾ തന്നെ വിജയിച്ചു കഴിഞ്ഞുവെന്നുമാണ് പേളിയുടെ പക്ഷം. ഇരുളിന് പ്രകാശത്തെ പേടിയാണ്… പക്ഷേ പ്രകാശത്തിന് ഇരുളിനെ പേടിയേയില്ല..! എന്നാണ് പേളി കുറിച്ചത്. 
പേളിയുടെ ഹസ്ബൻഡും സീസൺ 1ലെ മത്സരാർത്ഥിയുമായിരുന്ന ശ്രീനിഷും രജിത് സാറിനുള്ള പിന്തുണ നേരത്തെ തുറന്ന് പറഞ്ഞിരുന്നു. മുൻ മത്സരാർത്ഥി ശ്രീലക്ഷ്‌മി ശ്രീകുമാറും മിനിസ്ക്രീൻ അഭിനേതാവായ മനോജ് കുമാറും ബിഗ് ബോസ് ഹൗസിൽ എല്ലാവരും കൂടി രജിത് സാറിനെ വളഞ്ഞിട്ടു ആക്രമിക്കുകയാണെന്ന് അഭിപ്രായപ്പെട്ടിരുന്നു.
