വളരെ രസകരമായ ഒരു വീഡിയോയാണ് ഇപ്പോൾ സോഷ്യൽ മീഡിയയിൽ വൈറലാകുന്നത്. ആനയെ കാണാൻ എത്തുന്ന നടി പേടിച്ച് പേടിച്ച് ആനക്കരികിലേക്ക് പോകുന്നതും പാപ്പാൻ ആനത്തോട്ടി കൊണ്ട് തോണ്ടുമ്പോൾ ഞെട്ടുന്നതുമാണ് വീഡിയോ. മറ്റാരുമല്ല, കളളനും ഭഗവതിയും എന്ന സിനിമയിലൂടെ മലയാളികൾക്ക് പ്രിയങ്കരിയായി മാറിയ ബംഗാളി നടി മോക്ഷയാണ് വീഡിയോയിൽ.
ഭഗവതിക്ക് ആനയെ ഇത്ര പേടിയാണോ എന്നാണ് ആരാധകർ ചോദിക്കുന്നത്. ചോറ്റാനിക്കര ക്ഷേത്രത്തിൽ ദർശനം നടത്താൻ എത്തിയത് ആയിരുന്നു മോക്ഷ. ദർശനം കഴിഞ്ഞ് മടങ്ങുന്ന സമയത്താണ് മോക്ഷ ആനയെ കണ്ടത്. അപ്പോൾ ആനയ്ക്ക് അടുത്തു നിന്ന് ഫോട്ടോ എടുക്കണമെന്നുള്ള ആഗ്രഹം മോക്ഷ വെളിപ്പെടുത്തുകയായിരുന്നു.
ആനയോടുള്ള പേടി കാരണം അൽപം മാറിനിന്ന് ആയിരുന്നു മോക്ഷ ഫോട്ടോ എടുക്കുന്നതിനായി പോസ് ചെയ്തത്. ഇതിനിടയിൽ തോട്ടി കൊണ്ട് ആന പാപ്പാൻ മോക്ഷയെ തോണ്ടി വിളിച്ചത് നടിയിൽ ഞെട്ടലും കണ്ടു നിന്നവരിൽ ചിരിയും പടർത്തി. ആനയുടെ അടുത്തു വന്നുനിന്ന് ഫോട്ടോ എടുത്തുകൊള്ളൂ എന്ന് പറയാനാണ് പാപ്പാൻ തട്ടി വിളിച്ചത്. ഏതായാലും പാപ്പാൻ നൽകിയ ധൈര്യത്തിൽ ആനയ്ക്ക് അരികിൽ എത്തിയ മോക്ഷ ആനയ്ക്കൊപ്പം നിന്ന് നിരവധി ചിത്രങ്ങൾ എടുത്തു. ബംഗാളി നടിയായ മോക്ഷയുടെ ആദ്യ മലയാളി ചിത്രമാണ് കള്ളനും ഭഗവതിയും. പ്രീത സെൻ ഗുപ്ത എന്നാണ് യഥാർത്ഥ പേര്. തെന്നിന്ത്യൻ സിനിമകളിൽ അഭിനയിച്ചു തുടങ്ങിയതോടെയാണ് മോക്ഷ എന്ന പേര് സ്വന്തമാക്കിയത്.