ഒരു സാരി നിറയെ സ്നേഹം കൊണ്ട് നിറയ്ക്കുക. കേൾക്കുമ്പോൾ അത്ഭുതം തോന്നുന്നുണ്ടോ? എന്നാൽ, അങ്ങനെയൊരു കാര്യം നടന്നു. നടി ഭൂമി പട്നേകർ ആണ് തന്റെ സാരി നിറയെ സ്നേഹം കൊണ്ട് നിറച്ചത്. ഏതായാലും ഭുമിയുടെ പുതിയ സാരി ബോളിവുഡിലെ ഫാഷൻ പ്രേമികൾക്ക് ഇടയിൽ ശ്രദ്ധ നേടിയിരിക്കുകയാണ്. ഇനി എങ്ങനെയാണ് ലവ് സാരി തയ്യാറായത് എന്നല്ലേ? ഓഫ് വൈറ്റ് നിറത്തിലുള്ള സാരിയിൽ വ്യത്യസ്ത ഭാഷകളിൽ സ്നേഹം എന്നത് എഴുതി വെക്കുകയാണ് ചെയ്തത്.
ഡിസൈനർമാരായ അബു ജാനി – സന്ദീപ് കോസ് ല എന്നിവരാണ് സാരി ഒരുക്കിയത്. എഴുത്തുകൾ എംബ്രോയ്ഡറി ചെയ്യുകയാണ് ചെയ്തത്. ഷീർ ഓർഗൻസ സാരിയിൽ ചുവപ്പ് നിറത്തിലാണ് എഴുത്തുകൾ ഒരുക്കിയത്. ‘ദ ലവ് സാരി’ എന്നാണ് അബു ജാനി, സന്ദീപ് കോസ് ല എന്നിവർ ചിത്രങ്ങൾ പങ്കുവെച്ച് കൊണ്ട് സാരിയെ വിശേഷിപ്പിച്ചത്.
‘ലോകത്തിലെ ഏറ്റവും മനോഹരമായ വാക്കാണ് സ്നേഹം. അത് ഏതു ഭാഷയിലാണെങ്കിലും. സ്നേഹം എല്ലാവർക്കും വേണ്ടിയുള്ളതാണ്’ – ഡിസൈനർമാർ കുറിച്ചു.
View this post on Instagram
