മിനിസ്ക്രീനിലൂടെ പ്രേക്ഷകർക്ക് പ്രിയപ്പെട്ട താരമായെങ്കിലും ബിഗ് ബോസിലൂടെയാണ് അനൂപ് കൃഷ്ണൻ കൂടുതൽ ശ്രദ്ധിക്കപ്പെട്ട് തുടങ്ങിയത്. ബിഗ് ബോസ് ഷോയുടെ അവസാനഘട്ടം വരെ നിൽക്കാൻ കഴിഞ്ഞ അനൂപിന് ഇതിലൂടെ ധാരാളം ആരാധകരെ സ്വന്തമാക്കാനും സാധിച്ചു. സീതാകല്യാണം എന്ന പരമ്പരയിൽ അഭിനയിച്ചു കൊണ്ടിരിക്കുമ്പോഴാണ് അനൂപിന് ബിഗ് ബോസിലേക്ക് ക്ഷണം ലഭിച്ചത്.
ബിഗ് ബോസിന് പിന്നാലെ അനൂപിനെ തേടി നിരവധി അവസരങ്ങളാണ് എത്തിയത്. തന്റെ പ്രണയത്തെക്കുറിച്ചും ഷോയിൽ വെച്ച് അനൂപ് മനസ് തുറന്നിരുന്നു. പ്രണയിനിയായ ഐശ്വര്യ അനൂപിന്റെ പിറന്നാളിന് സർപ്രൈസ് ഗിഫ്റ്റ് കൊടുത്തിരുന്നു. ആരാധകർ എല്ലാം അതു കണ്ടതാണ്. ഏതായാലും ബിഗ് ബോസ് ഷോ കഴിഞ്ഞ് പുറത്തെത്തിയപ്പോൾ ഇരുവരുടെയും വിവാഹനിശ്ചയവും കഴിഞ്ഞു. ഐശ്വര്യ ഡോക്ടറാണ്.
താരവിവാഹം ഈ മാസമാണ്. വിവാഹ തീയതി നേരത്തെ തന്നെ താരങ്ങൾ പുറത്തു വിട്ടിരുന്നു. തങ്ങളുടെ പ്രണയം സഫലമാകുന്നതിന്റെ സന്തോഷത്തിലാണ് ഇവർ. ഇരുവരും ഒരുമിച്ചുള്ള ഫോട്ടോ പങ്കുവെച്ച് ദിവസങ്ങൾ എണ്ണിത്തുടങ്ങുകയാണെന്ന് അറിയിക്കുകയാണ് ഐശ്വര്യ. വിവാഹത്തിന് 10 ദിവസം കൂടിയേ ഉള്ളൂവെന്നും അതു കഴിഞ്ഞാൽ അവൻ ട്രാപ്പിലാവുമെന്നാണ് ഒരുമിച്ചുള്ള ചിത്രം പങ്കുവെച്ച് ഇഷ കുറിച്ചത്.
